కన్నడ హీరోయిన్ సంయుక్త హెగ్డే పై దాడి.. దుస్తులే కారణమట..!

నిఖిల్ హీరోగా వచ్చిన ‘కిరాక్ పార్టీ’.. అలాగే నాగార్జున ‘మన్మథుడు2’ చిత్రాలతో తెలుగు ప్రేక్షకులకు పరిచయమైంది కన్నడ హీరోయిన్ సంయుక్త హెగ్డే. ఈమె పై తాజాగా మూక దాడి జరగడం పెద్ద సంచలనంగా మారింది. వివరాల్లోకి వెళితే.. హీరోయిన్ సంయుక్త హెగ్డే శనివారం(ఈరోజు) నాడు తన స్నేహితులతో కలిసి బెంగుళూరులోని అగరా లేక్ సమీపం వద్ద ఉన్న పార్కుకు వర్కౌట్లు చేసేందుకు వెళ్ళింది. అయితే ఆమె స్పోర్ట్స్ ఇన్నర్ వేసుకుని వెళ్లడం..

అలాగే తన స్నేహితులతో కలిసి డ్యాన్స్ వంటివి చెయ్యడం ప్రారంభించడంతో దగ్గరలో ఉన్న కవితా రెడ్డి అనే మహిళ.. సంయుక్త మరియు ఆమె స్నేహితుల పై మండిపడుతూ కామెంట్స్ చేసింది. ‘ఇలాంటి డ్రెస్ లు వేసుకొచ్చి.. పబ్లిక్ తిరిగే ప్లేస్లో అసభ్యంగా ప్రవర్తిస్తున్నారంటూ’ ఆమె వాగ్వాదానికి దిగింది. కవితా రెడ్డి తో పాటు పక్కనున్న జనాలు కూడా సంయుక్త మరియు ఆమె స్నేహితుల పై మండిపడ్డారు. ‘పబ్లిక్ ప్లేస్ లోకి వచ్చేటప్పుడు ఇలా ఒళ్ళు కనబడేలా డ్రెస్ లు వేసుకురావడమేంటి..? మీరొక్కరే వర్కౌట్లు చెయ్యడానికి వస్తున్నారనుకుంటున్నారా?’ అంటూ మూక దాడికి దిగారు.

మరికొందరైతే ‘ శాండిల్ వుడ్ డ్రగ్ రాకెట్ లో మిమ్మల్ని కూడా ఇరికిస్తాము జాగ్రత్త’ అంటూ హెచ్చరించారు. ఈ సంఘటనకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి. ‘ఇలాంటి జనాల పై కఠినచర్యలు తీసుకోవాలి’ అంటూ బెంగుళూర్ పోలీసులను కోరింది హీరోయిన్ సంయుక్త హెగ్డే..!

Most Recommended Video

వి సినిమా రివ్యూ & రేటింగ్!
టాలీవుడ్ హీరోయిన్స్ రెమ్యూనరేషన్స్ లిస్ట్…!
ఆ చిత్రాలు పవన్ చేసి ఉంటే బాక్సాఫీస్ బద్దలు అయ్యేది..!