తెలుగు సినీ ప్రేక్షకుల మదిలో నిలిచి పోయిన ఆగస్టు 2018

28 ఏప్రిల్, 2017 .. ఈ డేట్ ని తెలుగు చిత్ర పరిశ్రమ ఎప్పటికీ మరిచిపోదు. ఇప్పటి జనరేషన్ సినీ ఫ్యాన్ ఎప్పటికీ గుర్తుపెట్టుకుంటారు. ఎందుకంటే తెలుగు సినిమా స్థాయిని అమాంతం పెంచిన బాహుబలి కంక్లూజన్ రిలీజ్ అయిన తేదీ కాబట్టి. తెలుగు వారిని గర్వించేలా చేసిన చిత్రం కాబట్టి. అలా కొన్ని రోజులు ప్రత్యేకతని చాటుకుంటాయి. ఈ సారి టాలీవుడ్ కి ఈనెల ప్రత్యేకంగా మిగిలిపోయింది. ఎందుకంటే.. ఇదివరకు చూడని విధంగా తమ హీరోలను ఆగస్టు నెల ప్రేక్షకులకు చూపించింది. సూపర్ స్టార్ మహేష్ బాబు ఎప్పుడూ క్లీన్ షేవ్ తో కనిపిస్తుంటారు. మీసం, గడ్డంతో ఉండాలని అభిమానులు ఎప్పటి నుంచో కోరుకున్నారు. అది ఈ నెలలోనే కుదిరింది. మహేష్ తాజాగా నటిస్తున్న మహర్షి మూవీ టీజర్ ఈనెల 8 న రిలీజ్ అయి ఆకట్టుకుంది.

మహేష్ కొత్త లుక్ లో అదరగొట్టారు. యంగ్ టైగర్ ఎన్టీఆర్ ఇదివరకు రాయలసీమ నేపథ్యంలో సినిమాలో నటించారు. కానీ ఆ యాసలో మాట్లాడలేదు. తొలిసారి అరవింద సమేత వీర రాఘవ చిత్రంలో రాయలసీమలో పుట్టి పెరిగిన యువకుడిలా మాట్లాడి ఔరా అనిపించారు. ఈ విషయం ఎన్టీఆర్ అభిమానులకు కొత్త అనుభూతిని మిగిల్చింది. ఈరోజు మెగాస్టార్ చిరంజీవి సైరా నరసింహా రెడ్డి టీజర్ రిలీజ్ అయింది. ఇది వరకు ఎన్నడూ చూడని లుక్ లో మెగాస్టార్ జేజేలు అందుకున్నారు. వందల ఏళ్ళక్రితం నాటి జరిగిన యదార్ధ ఘటనల ఆధారంతో తెరకెక్కుతోన్న సైరా టీజర్ మెగా అభిమానుల్లో ఆనందాన్ని నింపింది. ఇలా తెలుగు చిత్ర పరిశ్రమలోని స్టార్ హీరోలను కొత్తగా చూపించిన ఈ మాసం ఎప్పటికీ ప్రత్యేకమే.