Avasarala Srinivas: హ్యాపీడేస్ అడిషన్స్ కు వెళ్తే అలా జరిగింది.. అవసరాల కామెంట్స్ వైరల్!

టాలీవుడ్ ఇండస్ట్రీలో నటుడిగా, దర్శకునిగా అవసరాల శ్రీనివాస్ కు మంచి పేరు ఉంది. అవసరాల శ్రీనివాస్ (Srinivas Avasarala) దర్శకునిగా తెరకెక్కించిన సినిమాలు తక్కువే అయినా ఆ సినిమాలు ప్రేక్షకులను ఎంతగానో ఆకట్టుకున్నాయి. నటుడిగా కూడా అంతకంతకూ ఎదుగుతున్న అవసరాల శ్రీనివాస్ ఒక ఇంటర్వ్యూలో భాగంగా వెల్లడించిన విషయాలు ప్రస్తుతం నెట్టింట తెగ వైరల్ అవుతుండటం గమనార్హం. అమ్మ అన్నయ్యతో పోలుస్తూ ఇప్పటికీ నన్ను మోటివేట్ చేయడానికి ప్రయత్నిస్తుందని అవసరాల శ్రీనివాస్ తెలిపారు.

అన్నయ్య అమెరికాలో ఆర్టిఫిషియల్ ఇంటెలిజెన్స్ లో పీహెచ్డీ చేశారని అమెరికాలో సెటిల్ అయ్యారని అవసరాల శ్రీనివాస్ పేర్కొన్నారు. హ్యాపీడేస్ సినిమా అడిషన్స్ కు వెళ్లాను కానీ నేను ఎంపిక కాలేదని ఆయన కామెంట్లు చేశారు. అష్టాచమ్మా (Ashta Chamma) మూవీకి అడిషన్ టేప్ పంపించగా ఎంపికయ్యానని అవసరాల చెప్పుకొచ్చారు. ఊహలు గుసగుసలాడే (Oohalu Gusagusalade) సినిమాలో అవసరాల శ్రీనివాస్ తన పాత్ర కోసం మొదట నవీన్ పోలిశెట్టిని (Naveen Polishetty) తీసుకోవాలని భావించినట్టు వెల్లడించారు.

కొన్ని కారణాల వల్ల చివరకు ఆ పాత్రను నేనే చేయాల్సి వచ్చిందని ఆయన అభిప్రాయపడ్డారు. రాశీఖన్నా (Raashi Khanna) డ్రైవింగ్ అంటే చాలా భయమని ఆమె వాహనాన్ని డ్రైవ్ చేస్తే ఆ వాహనంలో మాత్రం నేను ఉండనని అవసరాల పేర్కొన్నారు. నేను రైటింగ్ లో డిప్లొమా చేశానని అవసరాల శ్రీనివాస్ చెప్పుకొచ్చారు. కాకినాడ మా సొంతూరు అని ఆయన పేర్కొన్నారు. నేను మూవీ స్టోరీ రాయాలంటే చాలా సమయం పడుతుందని తర్వాత సినిమా త్వరలోనే ఉండబోతుందని అవసరాల శ్రీనివాస్ కామెంట్లు చేశారు.

అవసరాల శ్రీనివాస్ ను అభిమానించే ఫ్యాన్స్ సంఖ్య అంతకంతకూ పెరుగుతుండటం గమనార్హం. అవసరాల శ్రీనివాస్ రెమ్యునరేషన్ పరిమితంగానే ఉందని సమాచారం అందుతోంది. నటుడిగా, దర్శకుడిగా రెండు పడవల ప్రయాణం చేస్తున్న అవసరాల శ్రీనివాస్ రెండు రంగాల్లో సక్సెస్ ఫుల్ గా కెరీర్ ను కొనసాగిస్తున్నారు.