‘చిన్నారి పెళ్లికూతురు’ అనే తెలుగు డబ్బింగ్ సీరియల్ తో ప్రేక్షకులకు దగ్గరైంది అవికా గోర్. ఈమె ప్రేమ కథ ఇప్పుడు నెట్టింట హల్ చల్ చేస్తుంది. అంతేకాదు ఈమె సీక్రెట్ గా పెళ్లి చేసుకోవడానికి కూడా తొందరపడుతున్నట్టు తెలుస్తుంది. ఈమె లవర్ ని హైదరాబాద్ లోనే కలిసిందట ! అలా అని అవికా బాయ్ ఫ్రెండ్ మిలింద్ చంద్వానీ హైద్రాబాద్ కు చెందిన వ్యక్తి కాదు. కానీ, అతన్ని ఇక్కడే కలిసుకుందట!
అతన్ని చూసిన తొలి క్షణమే ప్రేమలో పడిందట.లవ్ ఎట్ ఫస్ట్ సైట్ లా అన్న మాట.అంతేకాదు ఈమెనే మొదట మిలింద్ కు ప్రపోజ్ చేసిందట!ఆ వెంటనే మిలింద్ చంద్వానీ ఓకే చెప్పేశాడట.‘రోడీస్’ షో ద్వారా ఇతను పాపులర్ అయిన సంగతి తెలిసిందే. ఇటీవల ఓ ఇంటర్వ్యూలో పాల్గొన్న అవికా తన లవ్ మేటర్ గురించి స్పందించింది. ‘నా ఏజ్ ఇంకా తక్కువే కాబట్టి పెళ్లికి తొందరక్కర్లేదు. కానీ మిలింద్ ఎప్పుడు పెళ్ళి చేసుకుందాం అంటే అప్పుడు ఏడడుగులు వేయడానికి నేను రెడీ.
అది పూర్తిగా తనిష్టమే’ అంటూ ఈమె చెప్పుకొచ్చింది.’ఇదంతా ఓ కలలా ఉందంటూ’ అవికా సోషల్ మీడియాలో కూడా కామెంట్లు పెడుతుండడం విశేషం. ‘మనసుకు నచ్చిన, అర్థం చేసుకునే, ప్రేరణ నిచ్చే భాగస్వామి దొరకటం ఎంతో అదృష్టం’ అంటూ ఈ అమ్మడు ఫిలాసఫీలు కూడా చెప్పేస్తుంది. ఇక సినిమాల విషయానికి వస్తే ప్రస్తుతం నిర్మాతగా ఓ సినిమా చేస్తున్న అవికా, నాగ చైతన్య హీరోగా తెరకెక్కుతున్న ‘థాంక్యూ’ మూవీలో కూడా నటిస్తుంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
