బుల్లితెరపై బాల నటులుగా అలరించిన వాళ్లు పెద్ద తెరపై ఆకట్టుకున్న సందర్భాలు చాలా తక్కువ. ఒకటి, రెండు అవకాశాలు వచ్చినా ఆ తర్వాత కనపడకుండా పోయారు. అలా కనిపించకుండా పోతుందేమో అని అనుకుంటున్న తరుణంలో మన ‘చిన్నారి పెళ్లి కూతురు’లో మళ్లీ స్వింగ్‌లోకి వస్తోంది. ‘ఉయ్యాలా జంపాలా’తో టాలీవుడ్‌లో కథానాయికగా కథ ప్రారంభించిన అవికా గోర్‌… ఆ తర్వాత కూడా ఆకట్టుకునే సినిమాలే చేసింది. అయితే అవకాశాల విషయంలో అంతంతమాత్రంగానే నిలిచిపోయింది.
అయితే ఇప్పుడు మళ్లీ వరుస సినిమాలకు సంతకాలు చేస్తోంది. తాజాగా నాగచైతన్యతో నటించానికి అంగీకరించిందట. విక్రమ్‌ కుమార్‌ – నాగచైతన్య కాంబినేషన్‌లో తెరకెక్కుతున్న ‘థ్యాంక్యూ’ చిత్రీకరణ ఇటీవల మొదలైంది. ఇందులో ఇద్దరు కథానాయికలకు చోటుందని చిత్రబృందం ఇప్పటికే చెప్పింది. అందులో ఓ నాయికగా అవికా గోర్‌ను ఎంచుకున్నరాట. విక్రమ్‌ కుమార్‌ – పీసీ శ్రీరామ్‌ సినిమా అనేసరికి అవిక వెంటనే ఒప్పేసుకుందట. త్వరలోనే ఆమె చిత్రబృందంతో కలుస్తుందట. త్వరలో ఈ విషయం అధికారికంగా ప్రకటిస్తారు.
మరో నాయిక కోసం రకుల్‌ ప్రీత్‌ సింగ్‌, ప్రియాంక అరుల్‌ తో చర్చలు జరుగుతున్నాయి. ‘గ్యాంగ్‌ లీడర్‌’ పరిచయంతో ప్రియాంకకే అవకాశాలు దక్కే అవకాశాలున్నాయని టాక్‌. ఇక రెండో కథానాయిక విషయంలో కూడా ప్రకటిస్తారు. బీవీఎస్‌ రవి కథతో ఈ సినిమా తెరకెక్కుతున్న విషయం తెలిసిందే.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home