“అజర్” సినిమా ముందు నాకు చూపించండి : సంగీత

రిటైర్డ్ క్రికెటర్ జీవితం ఆధారంగా తెరకెక్కుతున్న తాజా చిత్రం “అజర్”. ఇమ్రాన్ హష్మీ టైటిల్ పాత్ర పోషిస్తున్న ఈ చిత్రం మే 13న విడుదల కానుంది. అజర్ జీవితాన్ని ఆధారంగా చేసుకొని తెరకెక్కించిన ఈ చిత్రాన్ని ఇప్పటివరకూ కనీసం అజర్ కు కూడా చూపించలేదట.

తాజాగా.. అజర్ ఎక్స్ వైఫ్ సంగీత కూడా తనకు “అజర్” సినిమాను చూపించమని కోరిందట. “సినిమా ట్రైలర్స్ చూసాను.. అసలు నా పాత్రకు, నా జీవితానికి సంబంధం లేని విధంగా ఉంది” అని తెలిపిన ఆమె, విడుదలకు ముందుగా తనకు సినిమాను చూపమని విజ్ఞప్తి చేసింది.

ఇవాళ లేద రేపు అజర్ మరియు ఆయన ఎక్స్ వైఫ్ సంగీతకు “అజర్” సినిమాను స్పెషల్ స్క్రీనింగ్ ద్వారా చూపించనున్నారు చిత్ర బృందం. మరి సినిమా చూసాక వారు ఏమంటారో చూడాలి!