బాహుబలి ది బిగినింగ్ (Baahubali: The Beginning), బాహుబలి ది కంక్లూజన్ (Baahubali 2: The Conclusion) బాక్సాఫీస్ వద్ద ఏ రేంజ్ లో సక్సెస్ సాధించాయో ప్రత్యేకంగా చెప్పాల్సిన అవసరం లేదు. రాజమౌళి (SS Rajamouli) డైరెక్షన్ లో తెరకెక్కిన ఈ సినిమాలు ఫ్యాన్స్ ను ఊహించని స్థాయిలో అలరించాయి. తాజాగా జక్కన్న బాహుబలి క్రౌన్ ఆఫ్ బ్లడ్ టైటిల్ తో యానిమేటెడ్ సిరీస్ వస్తున్నట్టు అధికారికంగా కీలక ప్రకటన చేయగా ఆ ప్రకటన నెట్టింట వైరల్ అయింది. అయితే డిస్నీ ప్లస్ హాట్ స్టార్ ఓటీటీలో ఈ నెల 17వ తేదీన బాహుబలి క్రౌన్ ఆఫ్ బ్లడ్ స్ట్రీమింగ్ కానుంది.
మాహిష్మితి సామ్రాజ్యంలో కొత్త కోణంతో అంటూ తాజాగా ట్రైలర్ ను రిలీజ్ చేయగా ఈ ట్రైలర్ వైరల్ అవుతోంది. ట్రైలర్ లో సినిమా కథ గురించి, పాత్రల గురించి వివరించారు. అయితే హిందీ వెర్షన్ ట్రైలర్ మాత్రమే విడుదల కావడం హాట్ టాపిక్ అవుతోంది. హాట్ స్టార్ లో ఏయే భాషల్లో ఈ సినిమా స్ట్రీమింగ్ అవుతుందో చూడాలి. మరోవైపు ప్రభాస్ (Prabhas) రాజమౌళి కాంబినేషన్ లో బాహుబలి3 రావాలని కోరుకుంటున్న అభిమానులు ఎక్కువ సంఖ్యలో ఉన్నారు.
రాజమౌళి సైతం తప్పకుండా బాహుబలి3 ఉంటుందని కామెంట్లు చేసిన సంగతి తెలిసిందే. అయితే ఈ ప్రాజెక్ట్ కు చాలా సమయం పట్టొచ్చని తెలుస్తోంది. జక్కన్న భవిష్యత్తులో తన డైరెక్షన్ లో తెరకెక్కిన బిగ్గెస్ట్ హిట్ సినిమాల సీక్వెల్స్ పై దృష్టి పెట్టే ఛాన్స్ అయితే ఉంది. బాహుబలి యానిమేటెడ్ సిరీస్ కు ఓటీటీలో ఎలాంటి రెస్పాన్స్ వస్తుందో చూడాల్సి ఉంది.
బాహుబలి యానిమేటెడ్ సిరీస్ చిన్న పిలలను ఆకట్టుకునే అవకాశాలు ఎక్కువగా ఉన్నాయి. కథ, కథనం బాగుంటే మాత్రమే బాహుబలి యానిమేటెడ్ సిరీస్ హిట్ అవుతుందని కామెంట్లు వ్యక్తమవుతూ ఉండటం గమనార్హం. ఒకింత భారీ బడ్జెట్ తోనే ఈ యానిమేటెడ్ సిరీస్ తెరకెక్కిందని సమాచారం అందుతోంది.
Home