వెంకటేష్ హీరోగా మారుతి తెరకెక్కిస్తున్న “బాబు బంగారం” ఆడియో మొన్న విడుదలై మంచి ఆదరణ చూరగొంది. నిజానికి ఈ సినిమాలో థీమ్ సాంగ్ కాకుండానే ఆరు పాటలున్నాయట. అయితే.. నయనతార సహకరించకపోవడం వల్ల ఒక పాట మాత్రం షూట్ చేయలేకపోయారు. తొలుత జూలై 1, తర్వాత 15, 29 ఇలా పలు తేదీలు మారిన అనంతరం ఎట్టకేలకు ఆగస్ట్ 12న సినిమా విడుదల చేసేందుకు ముహూర్తం ఫిక్స్ చేశారు. అయితే.. రిలీజ్ డేట్ ఫిక్సయ్యాక కూడా నయనతార సాంగ్ షూట్ కి డేట్స్ ఎడ్జెస్ట్ చేయలేకపోతుండడంతో ఆ పాట లేకుండానే సినిమాను రిలీజ్ చేసేద్దామని దర్శకనిర్మాతలు ఫిక్సయ్యారట.
వెంకీ నయనతార మునుపటి చిత్రాలైన “లక్ష్మీ, తులసీ”లలో వారిమధ్య వచ్చే రోమాంటిక్ సాంగ్స్ బాగా క్లిక్ అయ్యాయి. అందుకే “బాబు బంగారం”లోనూ ఆ తరహా పాటను డిజైన్ చేశారు. కానీ.. నయనతార కేటాయించిన డేట్స్ అయిపోవడం, మారుతి సరిగా ప్లాన్ చేసుకోకపోవడం కారణంగా ఆ రోమాంటిక్ సాంగ్ ను ఆడియో మరియు సినిమా నుంచి కూడా డిలీట్ చేసేశారు!
