ఈ మధ్య కాలంలో సినిమాల ద్వారా సంపాదించిన డబ్బులను ఎక్కువమంది హీరోలు ఇతర వ్యాపారాల్లో ఇన్వెస్ట్ చేస్తున్న సంగతి తెలిసిందే. ఒకప్పుడు హీరోగా వరుస ఆఫర్లతో బిజీగా ఉన్న జగపతిబాబు క్లాస్ హీరోగా గుర్తింపును సంపాదించుకోవడంతో తరువాత కాలంలో ఆఫర్లు తగ్గాయి. అయితే సెకండ్ ఇన్నింగ్స్ లో జగపతిబాబు హీరో రోల్స్ కు దూరంగా ఉంటూ స్టార్ హీరోలకు విలన్ గా, క్యారెక్టర్ ఆర్టిస్ట్ గా కెరీర్ ను కొనసాగిస్తున్నారు.
సెకండ్ ఇన్నింగ్స్ లో జగపతిబాబు నటించిన సినిమాలలో ఎక్కువ సినిమాలు సక్సెస్ కావడంతో ఆయనకు ఆఫర్లు సైతం అంతకంతకూ పెరుగుతున్నాయి. ఇటీవల ఆనందయ్య మందు గురించి జగపతిబాబు మాట్లాడుతూ ఆయుర్వేదం వల్ల శరీరానికి హాని జరగదని ఆనందయ్య మందు ప్రపంచాన్ని కాపాడుతుందని కామెంట్లు చేశారు. తాను ఆనందయ్య మందును వాడానని తనకు కరోనా రాలేదని జగపతి బాబు చెప్పుకొచ్చారు. అయితే త్వరలో జగపతిబాబు ఒక ఆయుర్వేద ఆస్పత్రిని ప్రారంభించబోతున్నారని ప్రస్తుతం ఆ ఆస్పత్రికి సంబంధించిన పనులతో బిజీగా ఉన్నారని వార్తలు వస్తున్నాయి.
ఈ వార్తల గురించి బిగ్ బాస్ కంటెస్టెంట్ బాబు గోగినేని తన ఫేస్ బుక్ పోస్ట్ ద్వారా స్పందిస్తూ జగపతి బాబు తాను దుకాణం తెరవబోతున్నానని చెప్పకుండా ఆనందయ్య చట్నీ గురించి చెప్పడం భలే బిజినెస్ టాక్టిక్ అని అన్నారు. తెలివైన వాడు కొంచెం ఆగి చెప్పేవాడు అని ఈ ఆత్రం మనకే చేటు అంటూ బాబు గోగినేని చెప్పుకొచ్చారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home