Baby: సోషల్ మీడియాలో వైరల్ అవుతున్న ‘బేబీ 2’ కథ.. ఆ ట్విస్ట్ హైలెట్..!

ఆనంద్ దేవరకొండ హీరోగా వైష్ణవి చైతన్య హీరోయిన్ గా విరాజ్ అశ్విన్ కీలక పాత్రలో తెరకెక్కిన చిత్రం ‘బేబీ’. సాయి రాజేష్ ఈ చిత్రానికి దర్శకుడు. ఎస్.కె.ఎన్ నిర్మాత. జూలై 14 న ఈ చిత్రం రిలీజ్ అయ్యింది. ముందు నుండీ ఈ చిత్రం పై మంచి అంచనాలు ఉన్నాయి. ఆ అంచనాలకి తగ్గట్టు సినిమా ఉండటంతో.. బ్లాక్ బస్టర్ విజయాన్ని సొంతం చేసుకుంది ఈ మూవీ.బాక్సాఫీస్ వద్ద ఈ మూవీ రూ.80 కోట్ల భారీ వసూళ్లను సాధించింది. ఈ చిత్రానికి అయిన బడ్జెట్ కేవలం రూ.8 కోట్లు మాత్రమే అయ్యింది.

ఇక ఈ చిత్రానికి సీక్వెల్ కావాలని దర్శకుడు సాయి రాజేష్ ను సోషల్ మీడియాలో కొందరు డిమాండ్ చేస్తున్నారు. ఇందులో హ్యాపీ ఎండింగ్ ఏమీ ఉండదు. చాలా ట్రాజెడీతో కూడిన ఎండింగ్. ఓ ఆటో డ్రైవర్ ను ప్రేమించిన అమ్మాయి.. పైచదువులకి వెళ్లిన తర్వాత ఓ అబ్బాయి ట్రాప్ లో పడి ప్రేమించిన అబ్బాయిని మోసం చేసే పాత్రలో హీరోయిన్ కనిపిస్తుంది. చివర్లో ప్రేమించిన అబ్బాయిని కాకుండా, జల్సాలు చేసిన అబ్బాయిని కూడా కాకుండా వేరే అబ్బాయిని పెళ్లి చేసుకుని ఇద్దరినీ వదిలించుకుంటుంది. ఈ కథకి సీక్వెల్ కావాలని అంతా కోరుకుంటున్నారు.

ఈ క్రమంలో ఓ నెటిజెన్ తన ఫ్రెండ్ సీక్వెల్ రాసినట్టు ఓ పిక్ పోస్ట్ చేశాడు. అందులో బేబీ 2 కథ అంటూ కొంత మేటర్ ఉంది. ఆ కథ ప్రకారం వైష్ణవి పెళ్లి చేసుకున్న 20 ఏళ్ళ తర్వాత.. ఆమె కూతురు చదువు కోసం అని విదేశాలకు వెళ్తుంది. ఆమెకి తన తల్లి నిజస్వరూపం తెలీదు. ఈ క్రమంలో విరాజ్ తన కొడుకుకి వైష్ణవి కూతుర్ని ప్రేమ పేరుతో మోసం చేయమని చెబుతాడు. కానీ అతను నిజాయితీగా ఆమెను ప్రేమించి తన తండ్రి మాటను పక్కన పెడతాడు. అయితే చివర్లో వైష్ణవి కూతురు కూడా విరాజ్ కొడుకుని మోసం చేసి జైల్లో పెట్టిస్తుంది.

తర్వాత అతను బయటకు వచ్చాక తండ్రి దగ్గరికి పోలేక.. వైష్ణవి కూతురు మోసం చేసింది అనే బాధ తట్టుకోలేక సూసైడ్ చేసుకోవాలి అనుకుంటాడు. ఆ టైంలో ఒకతను వచ్చి ఆపుతాడు.అతనే ఆనంద్ అట. ఇతన్ని కాపాడటమే కాకుండా ఓ ఆటో కొనిచ్చి అతన్ని తిప్పుకోమని చెబుతాడట. ఇక్కడ ఇంకో ట్విస్ట్ పెట్టాలని భావించి ‘ఆ విరాజ్ కొడుకు మరెవరో కాదు చిన్నప్పుడు తప్పిన ఆనంద్ కొడుకు. ఓ ఎగ్జిబిషన్ లో విరాజ్ కి దొరికితే అతన్ని తన పగకోసం వాడుకోవాలని భావించి పెంచి పెద్ద చేసాడు’ అంటూ ఓ నెటిజెన్ పేర్కొన్నాడు. ఈ కథ (Baby) మొత్తం చూసి సినిమా కూడా మీరే తీసేయండి రా బాబు అంటూ కామెంట్లు పెడుతున్నారు.

జైలర్ సినిమా రివ్యూ & రేటింగ్!

భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!