Baby Movie: రిస్క్ చేస్తున్న ‘బేబీ’ టీం.. వర్కౌట్ అయితే పండగే!

‘దొరసాని’ ‘మిడిల్ క్లాస్ మెలోడీస్’ ‘పుష్పక విమానం’ సినిమాలతో ప్రామిసింగ్ హీరో అనిపించుకున్నాడు ఆనంద్ దేవరకొండ. తన అన్న విజయ్ దేవరకొండ స్టార్ హీరో అయినప్పటికీ అతని ఇమేజ్ ను వాడుకోకుండా పైకి రావాలని కృషి చేస్తున్నాడు. అందుకే విభిన్న కథా చిత్రాలు చేస్తూ తనకంటూ ఓ ఇమేజ్ ను క్రియేట్ చేసుకున్నాడు. ఈ క్రమంలో అతను చేసిన ‘బేబీ’ చిత్రం జూలై 14 న విడుదల కాబోతోంది.

వైష్ణవి చైతన్య హీరోయిన్ గా విరాజ్ అశ్విన్ మరో హీరోగా నటిస్తున్న (Baby Movie) ఈ సినిమాని ‘మాస్ మూవీ మేకర్స్’ బ్యానర్ పై ఎస్.కె.ఎన్ ఈ చిత్రాన్ని నిర్మించాడు. సాయి రాజేష్ దర్శకత్వంలో రూపొందిన ఈ చిత్రానికి . విజయ్ బుల్గానిన్ సంగీత దర్శకుడు. పాటలు బాగున్నాయి, టీజర్, ట్రైలర్‌ కూడా యూత్ కి బాగా ఎక్కేశాయి. బహుశా ఈ కాన్ఫిడెన్స్ తోనే అనుకుంట చిత్ర బృందం రిలీజ్ కి ముందుగానే అంటే జూలై 13నే ప్రీమియర్స్ వేయాలి అనే రిస్కీ డెసిషన్ తీసుకుంది.

అయితే పలు ఏరియాల్లో ఆల్రెడీ బుకింగ్స్ ఓపెన్ అవ్వగా 90 శాతం బుకింగ్స్ జరిగాయి. దీనిని బట్టి సినిమా పై ఏ రేంజ్ హైప్ ఉందో అర్థం చేసుకోవచ్చు. ఇటీవల ‘సామజవరగమన’ అనే సినిమాకి కూడా ఇలాగే ప్రీమియర్స్ వేశారు. ఆ సినిమాకు పెద్దగా ప్రమోషన్ చేయకపోయినా పాజిటివ్ టాక్ వల్ల బుకింగ్స్ చాలా బాగా నమోదయ్యాయి. అదే సీన్ బేబీకి కూడా రిపీట్ అయ్యే అవకాశాలు పుష్కలంగా ఉన్నాయి.

‘జవాన్’ ట్రైలర్ పై ట్రెండ్ అవుతున్న 15 మీమ్స్!

ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!