బిగ్‌బాస్‌ ఇంట్లో ‘బ్యాడ్‌’ టాస్క్‌లో ఎవరేం చెప్పారంటే

వీకెండ్‌లో నాగార్జున వచ్చి ఎలిమినేషన్‌ నుంచి సేఫ్‌ అయ్యేవాళ్ల వివరాలు చెప్పడం ఒక్కటే కాదు.. ఇంట్లోవాళ్ల గురించి ఆసక్తికర వివరాలు తెలిపేలా కొన్ని గేమ్స్‌ కూడా పెడుతుంటాడు. అలా ఈ శనివారం ‘బ్యాడ్‌’ టాస్క్‌ పెట్టాడు. అంటే హౌస్‌మేట్స్‌లో బ్యాడ్‌ క్వాలిటీని సహచరులతో చెప్పించారు. అలా ఎవరి గురించి ఎవరేం చెప్పారంటే? ఇంట్లో చిన్న చిన్న విషయాలకు హర్ట్‌ అవుతున్నాడంటూ అఖిల్‌ గురించి మోనాల్‌ చెప్పింది. అయితే తనను మోనాల్‌ అభి అని పిలిచిందని..

అందుకే కాస్త కోపమయ్యానని అఖిల్‌ సమాధానమిచ్చాడు. పేరు మారిస్తేనే కోపం వస్తుంది… అలాంటిది అనధికారిక పగవాడు అయిన అభిజీత్‌ పేరు పిలిస్తే రాదా మరి. ఈ మధ్య అమ్మ రాజశేఖర్‌ మరీ కుళ్లు జోకులు వేస్తున్నాడని.. అదే తన బ్యాడ్‌ క్వాలిటీ అని నోయల్‌ చెప్పాడు. అభిజీత్‌ బయటకు కనిపించేంత మంచివాడు కాదని దివి చెప్పింది. ఒకరంటే ఇష్టపడితే గంగవ్వ… మిగిలిన వారిని ఎప్పటికీ సపోర్టు చేయదు అంటూ దేవీ నాగవల్లి చెప్పింది. సుజాత కూడా అభిజీత్‌ గురించే చెప్పింది. అభి అందరితో కలవకుండా కొందరితోనే ఉంటున్నాడని కారణంగా చెప్పింది.

ముఖం కడగకుండానే కాఫీ తాగుతోంది అంటూ హారిక విషయంలో గంగవ్వ అంది. అయితే అలాంటిదేం లేదంటూ హారిక సమాధానమిచ్చింది. దేనికి ఏడ్వాలో, దేనికి నవ్వాలో దివి తెలియడం లేదని… ‘ఉక్కు హృదయం’ టాస్క్‌ విషయంలో మేం బయట ఆందోళనలో ఉంటే దివి నవ్వుకుంటూ వచ్చిందని అమ్మ రాజశేఖర్‌ చెప్పాడు. ఎవరితో మాట్లాడాలి, క్లోజ్‌గా ఉండాలో ముందే నిర్ణయించుకుని స్వాతి దీక్షిత్‌ వచ్చిందని.. అదే తనలో బ్యాడ్‌ క్వాలిటీలా కనిపిస్తోందని లాస్య అంది. aబిగ్‌బాస్‌ ఈ టాస్క్‌ని కొందరికే పరిమితం చేసినట్లు కనిపిస్తోంది. అందరినీ అడిగుంటే ఇంకొంత ఫుటేజీ వచ్చేది. మరికొన్ని గొడవలు పెరిగేవి. అప్పుడే కదా.. ఇంకాస్త మజా వస్తుంది. చూద్దాం రేపో, వచ్చే వారమో మళ్లీ ఇలాంటి టాస్క్‌ పెడతారేమో.

Most Recommended Video

బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!