బాహుబలి కంక్లూజన్ టీజర్ విడుదల వార్తలను ఖండించిన చిత్ర బృందం

ఎప్పుడా .. ఎప్పుడా? అని ప్రపంచ వ్యాప్తంగా సినీ అభిమానులు ఎదురుచూస్తున్న యంగ్ రెబల్ స్టార్ ప్రభాస్ మూవీ బాహుబలి కంక్లూజన్ టీజర్ రిలీజ్ డేట్ ఫిక్స్ అయిందంటూ వస్తున్న వార్తలను చిత్ర బృందం ఖండించింది. ఈనెల 25 న విడుదలకానున్న బాలీవుడ్ బాద్ షా షారుఖ్ ఖాన్ మూవీ రాయిస్  ప్రదర్శితమయ్యే అన్ని థియేటర్లలో బాహుబలి 2 టీజర్ వేయనున్నట్లు మీడియాలో వస్తున్న కథనాలు అవాస్తవమని కొట్టి పడేసింది. రెండు రోజుల క్రితం బాహుబలి షూటింగ్ కి గుమ్మడికాయ కొట్టిన సంగతి తెలిసిందే. ప్రస్తుతం దర్శకధీరుడు ఎస్.ఎస్.రాజమౌళి వీఎఫ్ఎక్స్ వర్క్ లో బిజీగా ఉన్నారు.

ఈ చిత్రం టీజర్, ట్రైలర్ రిలీజ్ విషయంలో ఇంకా ఏ నిర్ణయం తీసుకోలేదని, త్వరలోనే ఆ తేదీలను ప్రకటిస్తామని జక్కన్న బృందం వెల్లడించింది. తాము చెప్పే వరకు బాహుబలి చిత్రం గురించి ఇతరులు చెప్పే విషయాలని నమ్మవద్దని స్పష్టం చేసింది. ఆర్కా మీడియా సంస్థ నిర్మిస్తోన్న ఈ మూవీని ఈసారి అన్నిభాషల్లో ఒకే సారి రిలీజ్ చేసేలా రాజమౌళి కష్టపడుతున్నారు. బాహుబలి 2 చిత్రంలో అద్భుత పోరాట విన్యాసాలతో పాటు అనుష్క, ప్రభాస్ ల ప్రేమ కథ అభిమానులను అలరించనుంది.

Also, do SUBSCRIBE to our YouTube channel to get latest Tollywood updates.