Balagam: బుల్లితెరపై కూడా మంచి టి.ఆర్.పి రేటింగ్ నమోదు చేసిన ‘బలగం’

May 18, 2023 / 07:29 PM ISTByFilmy Focus

Join Us

Balagam: బుల్లితెరపై కూడా మంచి టి.ఆర్.పి రేటింగ్ నమోదు చేసిన ‘బలగం’

టాలీవుడ్ నిర్మాత దిల్ రాజు.. తన కూతురు హన్షిత రెడ్డి,హర్షిత్ రెడ్డి లను పెట్టి ‘దిల్ రాజు ప్రొడక్షన్స్’ అనే చిన్న బ్యానర్ ను స్థాపించిన సంగతి తెలిసిందే. ఈ బ్యానర్ పై తొలి ప్రయత్నంగా ‘బలగం’ అనే చిత్రాన్ని నిర్మించారు. ‘జబర్దస్త్’ కమెడియన్ వేణు ఎల్దిండి అలియాస్ టిల్లు దర్శకత్వంలో రూపొందిన ఈ చిత్రం మార్చి 3న రిలీజ్ అయ్యింది. అసలు ఇలాంటి సినిమా ఒకటి రూపొందుతుంది అనే సంగతి కూడా చాలా మందికి తెలీదు అంటే అతిశయోక్తి కాదేమో.

టీజర్, ట్రైలర్ వంటివి పెద్ద ఇంపాక్ట్ క్రియేట్ చేసిన సందర్భాలు కూడా లేవు. ఒకటి అర పాటలు మాత్రం అక్కడక్కడ హడావిడి చేశాయి. అయితే దిల్ రాజు చాలా గట్టి నమ్మకంతో ఈ చిత్రాన్ని దగ్గరుండి ప్రమోట్ చేశాడు. పలు ఏరియాల్లో రోడ్లపై నడిచాడు, కుర్రాళ్లతో బైక్ తోలుతూ కనిపించాడు. ఇలా సినిమాని చాలా బాగా ప్రమోట్ చేశాడు. మొదటి వీకెండ్ ఈ చిత్రం బాక్సాఫీస్ వద్ద అంతంత మాత్రమే అనిపించింది.

కానీ 4వ రోజు నుండి ఈ మూవీ బాక్సాఫీస్ వద్ద గట్టిగా పుంజకుంది. ఓవరాల్ గా ఈ సినిమా రూ.25 కోట్ల వరకు గ్రాస్ ను రూ.12 కోట్లకు పైగా షేర్ ను వసూల్ చేసింది. సినిమా బడ్జెట్ కేవలం రూ.5 కోట్లు మాత్రమే. సినిమా థియేట్రికల్ గా సూపర్ హిట్ అయ్యాక… శాటిలైట్ రైట్స్ రూ.3 కోట్లకు అమ్ముడయ్యాయి. ఇక మే 7వ తారీఖున (Balagam) ఈ చిత్రం టెలివిజన్ ప్రీమియర్ ‘స్టార్ మా’లో టెలికాస్ట్ అయ్యాయి.

అయితే మొదటిసారి ఈ చిత్రం 14.3 టి.ఆర్.పి రేటింగ్ ను నమోదు చేసి ఇక్కడ కూడా బ్లాక్ బస్టర్ అనిపించింది. అంటే మొదటి టెలికాస్ట్ కే స్టార్ మా వారు ఫ్రాఫిట్ జోన్ లో ఎంటరైనట్టే..! ఇక నుండి టెలికాస్ట్ చేస్తే వచ్చే రేటింగ్ లు మరింత లాభాలను తెచ్చిపెడతాయన్న మాట.