సీనియర్ హీరోలకు బెస్ట్ ఆప్షన్ మారిన బ్యూటీ!

రీసెంట్ గా విడుదలైన ‘వీరసింహారెడ్డి’ సినిమాలో బాలయ్యకి మరదలిగా, యంగ్ బాలయ్య క్యారెక్టర్ కి తల్లిగా కనిపించింది హానీ రోజ్. ఈ రెండు పాత్రల మధ్య చాలా వ్యత్యాసమున్నప్పటికీ.. తన పాత్రకు పూర్తి న్యాయం చేసింది ఈ బ్యూటీ. ఇప్పుడు మెల్లగా టాలీవుడ్ లో కెరీర్ ప్లాన్ చేసుకుంటుంది. నిజానికి బాలయ్య నటించిన ‘అఖండ’ సినిమాలో హానీ రోజ్ ను హీరోయిన్ గా తీసుకోవాలనుకున్నారు. ఆమెపై స్క్రీన్ టెస్ట్ కూడా చేశారు.

కానీ దర్శకుడు బోయపాటికి సంతృప్తిగా అనిపించకపోవడంతో ఆమె స్థానంలో ప్రగ్యాజైశ్వాల్ ను తీసుకున్నారు. అయితే హానీ రోజ్ లో విషయముందని గుర్తించిన మైత్రి మూవీ మేకర్స్, గోపీచంద్ మలినేనిలు బాలయ్య సినిమాలో హీరోయిన్ గా తీసుకున్నారు. సినిమాలో శృతిహాసన్ కంటే హానీ రోజ్ పాత్రకే ఎక్కువ ప్రాధాన్యత ఉంది. ఫస్ట్ హాఫ్ లో తల్లి పాత్రలో కనిపించినా.. సెకండ్ హాఫ్ లో ఫ్లాష్ బ్యాక్ ఎపిసోడ్ లో గ్లామరస్ రోల్ లో మెప్పించింది.

అందుకే అనిల్ రావిపూడి దర్శకత్వంలో బాలకృష్ణ హీరోగా రూపొందుతోన్న యాక్షన్ ఎంటర్టైనర్ లో హానీ రోజ్ ను తీసుకోవాలని భావిస్తున్నారట. అయితే కాజల్ అగర్వాల్ కూడా బెటర్ ఛాయస్ అని భావిస్తున్న అనీల్ రావిపూడి ఇంకా ఈ విషయంలో ఎలాంటి నిర్ణయం తీసుకోలేదని సమాచారం. వీరి కంటే ముందు త్రిష, హుమా ఖురేషిలను ట్రై చేసినప్పటికీ కొన్ని కారణాల వలన వారు నో చెప్పారు.

వీలైనంత త్వరగా బాలయ్య108 సినిమాలో హీరోయిన్ ని కన్ఫర్మ్ చేస్తే.. షూటింగ్ మొదలుపెట్టేస్తారు. మలయాళంలో హీరోయిన్ గా కెరీర్ మొదలుపెట్టిన హానీ రోజ్.. అక్కడ చెప్పుకోదగ్గ సినిమాలే చేసింది. కానీ తెలుగులో ఎంట్రీ ఇవ్వడానికి మాత్రం ఆమెకి చాలా సమయం పట్టింది. ఎట్టకేలకు బాలయ్య సినిమాతో టాలీవుడ్ కి పరిచయమై.. తొలి సినిమాతోనే తన మార్క్ చూపించింది. అసలే సీనియర్ హీరోలకు హీరోయిన్లు దొరకడం కష్టంగా ఉన్న ఈ సమయంలో హానీ రోజ్ మంచి ఆప్షన్ అనే చెప్పాలి.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?