అల్లు అర్జున్ పై బాలకృష్ణ, పవన్ కళ్యాణ్ అభిమానుల ఆగ్రహం

స్టైలిష్ స్టార్ అల్లు అర్జున్ గత చిత్రం సరైనోడు వందకోట్ల క్లబ్ లో చేరడంతో స్టైల్ మార్చారు. వివాదాస్పద కామెంట్లు చేస్తూ తరచూ వార్తల్లో నిలుస్తున్నారు. సరైనోడు చిత్రం సమయంలో “చెప్పను బ్రదర్” అంటూ పవన్ కళ్యాణ్ అభిమానులకు కోపం తెప్పించిన బన్నీ తాజాగా నందమూరి బాలకృష్ణ వందో చిత్రం గౌతమీపుత్ర శాతకర్ణి పై సంచల కామెంట్స్ చేసి వివాదంలో ఇరుక్కున్నారు. ప్రస్తుతం హరీష్ శంకర్ దర్శకత్వంలో దువ్వాడ జగన్నాథం చిత్రం చేస్తున్న బన్నీ ఓ కంపెనీ ప్రచార నిమిత్తం ఈ మధ్య వైజాక్ కి వెళ్లారు. ఆ కార్యక్రమం ముగించుకొని హైదరాబాద్ కి బయలు దేరే సమయంలో మెగా అభిమానులతో మాట్లాడారు. ఈ సందర్భంలో “చిరంజీవి 150వ సినిమా ఖైదీ నంబర్ 150 ఎలా ఉండబోతుంది” అని ఫ్యాన్స్  అడగగా.. ‘ఈ సారి సంక్రాంతి మనదే’ అని అల్లు అర్జున్ వ్యాఖ్యానించినట్టు తెలిసింది.

ఈ విషయం నందమూరి ఫ్యాన్స్‌కి చేరడంతో ఆగ్రహంతో ఊగిపోతున్నారు.  “మా హీరో చిత్రం గౌతమి పుత్ర శాతకర్ణి ఫెయిల్ అవుతుందనే కదా దానికి అర్ధం.. ఎంత పొగరు..” అంటూ బన్నీపై విమర్శలు గుప్పిస్తున్నారు. అనువైన సమయంలో తగినట్లుగా కౌంటర్ ఇవ్వడానికి చూస్తున్నారు. అంతేకాదు “2016లో మిగిలిన లెక్క‌లేమైనా ఉంటే.. 2017లో స‌రిచేస్తాను” అని కూడా బన్నీ చెప్పాడని తెలిసింది. దీనిపై పవన్ అభిమానులు “అంతొద్దు బ్రదర్” అని సలహా ఇస్తున్నారు.

Also, do SUBSCRIBE to our YouTube channel to get latest Tollywood updates.