పవర్ స్టార్ పవన్ కళ్యాణ్ నటించిన ‘భీమ్లా నాయక్ ‘ సినిమాకి నటసింహ నందమూరి బాలకృష్ణని ఫస్ట్ హీరోగా అనుకున్నామని.. పవన్ చేస్తే బాగుంటుందని బాలయ్యే, పవన్ పేరు సూచించారని అన్ స్టాపబుల్ సెకండ్ ఎపిసోడ్ లో యంగ్ ప్రొడ్యూసర్ సూర్యదేవర నాగవంశీ చెప్పాడు. దీంతో మీడియా, సోషల్ మీడియాలో రకరకాల వార్తలు.. బాలయ్య, పవన్ అభిమానుల మధ్య డిస్కషన్స్ నడిచాయి.. ఈ ఎపిసోడ్ లో డైరెక్టర్ త్రివిక్రమ్ తో ఫోన్ లో మాట్లాడిన బాలయ్య.. అన్ స్టాపబుల్ షోకి ఎప్పుడొస్తావ్?..
ఎవరితో రావాలో తెలుసుగా? అంటూ.. ఇన్ డైరెక్ట్ గా పవన్, త్రివిక్రమ్ రాబోతున్నారని హింట్ ఇచ్చారు. ఇదిలా ఉంటే.. అగ్ర నిర్మాత అల్లు అరవింద్ తనయుడు, యంగ్ హీరో అల్లు శిరీష్ కోసం నటసింహ, పవర్ స్టార్ కలిసి ఒకే వైదికపై కనిపించబోతున్నారనే న్యూస్ వైరల్ గా మారింది. సినిమా సినిమాకీ నటుడిగా తనను తాను ప్రూవ్ చేసుకోవడానికి కష్టపడుతూనే ఉన్నాడు అల్లు శిరీష్.. కొంతగ్యాప్ తర్వాత ‘ఊర్వశివో.. రాక్షసివో’ అనే రొమాంటిక్ ఎంటర్ టైనర్ తో ఆడియన్స్ ముందుకి రాబోతున్నాడు.
టీజర్ చూస్తే, సినిమాలో యూత్ కి కావల్సినంత స్టఫ్ ఉందని అర్థమవుతుంది. అను ఇమ్మానుయేల్ హీరోయిన్ గా నటించగా.. అల్లు అరవింద్ సమర్పణలో, రాకేష్ శశి డైరెక్షన్లో ధీరజ్ మొగిలినేని, విజయ్ కలిసి నిర్మించారు. నవంబర్ 4న గ్రాండ్ గా రిలీజ్ కానున్న ‘ఊర్వశివో.. రాక్షసివో’ మూవీ ప్రీ రిలీజ్ ఈవెంట్ హైదరాబాద్ లో భారీస్థాయిలో ప్లాన్ చేశారు. ఈ కార్యక్రమానికి ముఖ్య అతిథిగా బాలయ్య బాబు, పవన్ కళ్యాణ్ ఇద్దరిలో ఒకరు రాబోతున్నారని సమాచారం..
ప్లాన్ చేసేది అరవింద్ కాబట్టి ఒకవేళ ఇద్దరూ వచ్చినా ఆశ్చర్యం లేదు అనే టాక్స్ వినిపిస్తున్నాయి. బాలయ్య, పవన్ ల మధ్య మంచి రిలేషన్ ఉంది. బాలయ్య యాక్ట్ చేసిన ‘శ్రీరామరాజ్యం‘తో సహా పలు సినిమాలు స్పెషల్ షోలు వేసుకుని చేసేవారు పవన్.. అలాగే పవన్ యాక్ట్ చేసిన ‘వకీల్ సాబ్’ మూవీకి కూడా బాలయ్యే ఫస్ట్ ఛాయిస్. సో, అల్లు హీరో కోసం మెగా లేదా నందమూరి హీరో ఛీఫ్ గెస్ట్ గా రానుండడంతో టాక్ ఆఫ్ ది ఇండస్ట్రీగా మారింది.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home