టాలీవుడ్ స్టార్ ప్రొడ్యూసర్లలో ఒకరైన దిల్ రాజు టాలీవుడ్ ఇండస్ట్రీలోని అందరు స్టార్ హీరోలతో సినిమాలు చేయాలని భావిస్తున్నారు. బాలకృష్ణ హీరోగా తెరకెక్కిన పలు సినిమాలకు దిల్ రాజు డిస్ట్రిబ్యూటర్ గా వ్యవహరించారు. అయితే నిర్మాతగా బాలకృష్ణతో సినిమా నిర్మించాలని దిల్ రాజు కోరిక కాగా త్వరలో ఆ కోరిక నెరవేరే అవకాశాలు అయితే కనిపిస్తున్నాయని సమాచారం అందుతోంది. బాలయ్య హీరోగా తెరకెక్కే సినిమాకు బీవీఎస్ రవి డైరెక్టర్ గా పని చేసే అవకాశాలు ఉన్నాయని సమాచారం.
రచయితగా ఇండస్ట్రీలో తనకంటూ ప్రత్యేక గుర్తింపును సొంతం చేసుకున్న బీవీఎస్ రవి గోపీచంద్ హీరోగా తెరకెక్కిన వాంటెడ్, సాయిధరమ్ తేజ్ హీరోగా తెరకెక్కిన జవాన్ సినిమాలకు దర్శకత్వం వహించారు. అయితే ఈ రెండు సినిమాలు బాక్సాఫీస్ వద్ద ఆశించిన స్థాయిలో సక్సెస్ ను సొంతం చేసుకోలేదు. మరోవైపు బాలయ్య గోపీచంద్ మలినేని డైరెక్షన్ లో ఒక సినిమాకు, అనిల్ రావిపూడి డైరెక్షన్ లో మరో సినిమాకు ఓకే చెప్పారు. బీవీఎస్ రవి ఇప్పటికే బాలయ్యకు కథ చెప్పారని సమాచారం.
అయితే బాలయ్య ఈ సినిమాకు గ్రీన్ సిగ్నల్ ఇస్తారో లేదో చూడాల్సి ఉంది. అఖండ సక్సెస్ తర్వాత బాలయ్యతో సినిమాలను తెరకెక్కించాలని చాలామంది దర్శకులు భావిస్తున్నారు. అయితే బాలయ్య మనస్సులో ఏ డైరెక్టర్ ఉన్నారో తెలియాల్సి ఉంది. బాలయ్య కెరీర్ విషయంలో ఆచితూచి అడుగులు వేస్తుండటం గమనార్హం. బాలయ్య గోపీచంద్ మలినేని కాంబో మూవీ షూటింగ్ ఇప్పటికే మొదలైంది. శృతిహాసన్ ఈ సినిమాలో బాలయ్యకు జోడీగా నటిస్తున్నారు.
భారీ బడ్జెట్ తో మైత్రీ మూవీ మేకర్స్ బ్యానర్ పై ఈ సినిమా తెరకెక్కుతోంది. బాలయ్య నటించిన అఖండ తెలుగు రాష్ట్రాల్లోనే 60 కోట్ల రూపాయల మేర షేర్ కలెక్షన్లను సాధించడంతో బాలయ్య తర్వాత సినిమాలకు ఊహించని స్థాయిలో బిజినెస్ జరుగుతోంది. బాలయ్య ఒక్కో సినిమాకు పది కోట్ల రూపాయలకు అటూఇటుగా రెమ్యునరేషన్ తీసుకుంటున్నారు.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home