నందమూరి బాలకృష్ణ కొడుకు నందమూరి మోక్షజ్ఞ సినీ ఎంట్రీ కోసం బాలకృష్ణ ఫ్యాన్స్ ఆసక్తిగా ఎదురు చూస్తున్న సంగతి తెలిసిందే. సెప్టెంబర్ 6వ తేదీ మోక్షజ్ఞ పుట్టినరోజు కాగా మోక్షజ్ఞ ఇంట్లోనే పుట్టినరోజు వేడుకలను జరుపుకున్నారు. మోక్షజ్ఞ బర్త్ డేకు సంబంధించిన ఫోటోలు నెట్టింట తెగ వైరల్ అవుతున్నాయి. మోక్షజ్ఞ ఇప్పటివరకు సినిమాల్లో నటించకపోయినా అభిమానులకు మోక్షజ్ఞపై ఊహించని స్థాయిలో అభిమానం ఉంది. గతంలో మోక్షజ్ఞ తెరంగేట్రానికి సంబంధించి సోషల్ మీడియాలో, వెబ్ మీడియాలో ఎన్నో వార్తలు వైరల్ అయ్యాయి.
2019 సంవత్సరం వరకు ఊరూరా మోక్షజ్ఞ జన్మదిన వేడుకలు జరిగేవి. అయితే కరోనా నిబంధనల వల్ల గతేడాది, ఈ ఏడాది బాలయ్య ఫ్యాన్స్ బాలయ్య ఇంటికి వెళ్లి మోక్షజ్ఞ పుట్టినరోజు వేడుకల్లో పాల్గొన్నారు. ఈ ఏడాదితో మోక్షజ్ఞకు 27 సంవత్సరాలు పూర్తయ్యాయి. సీనియర్ ఎన్టీఆర్ కు 27 సంవత్సరాల తర్వాతే స్టార్ డమ్ లభించింది. మోక్షజ్ఞకు 27 సంవత్సరాలు పూర్తైన తర్వాతే సినిమాల్లోకి ఎంట్రీ ఇస్తారని గతంలో వార్తలు వచ్చాయి. బాలయ్య నట వారసుడిగా మోక్షజ్ఞ వచ్చే ఏడాది సినిమాల్లోకి ఎంట్రీ ఇస్తారేమో తెలియాల్సి ఉంది.
బాలయ్య ఫ్యాన్స్ కోరికను మోక్షజ్ఞ ఎప్పుడు తీరుస్తారో చూడాల్సి ఉంది. స్టార్ డైరెక్టర్ డైరెక్షన్ లో మోక్షజ్ఞ సినిమాల్లోకి ఎంట్రీ ఇస్తే బాగుంటుందని ఫ్యాన్స్ భావిస్తుండటం గమనార్హం. మోక్షజ్ఞ తొలి సినిమాలో బాలకృష్ణ కూడా కీలక పాత్రలో నటించే అవకాశాలు అయితే ఉన్నాయని వార్తలు వస్తున్నాయి. వచ్చే ఏడాది మోక్షజ్ఞ ఫస్ట్ మూవీ గురించి క్లారిటీ వచ్చే అవకాశాలు ఉన్నాయి.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
Home