టాలీవుడ్ లో ఇప్పటికే కొందరు సీనియర్ హీరోలు కుర్ర హీరోలతో కలిసి పని చేశారు. ఇప్పుడు బాలకృష్ణని కూడా అలాంటి ప్రాజెక్ట్ కోసం సంప్రదిస్తున్నారని సమాచారం. గతంలో బాలయ్యతో ‘ఆదిత్య 369’, ‘వంశానికొక్కడు’ వంటి సినిమాలను నిర్మించిన శివలెంక కృష్ణప్రసాద్ ఈ మధ్యకాలంలో మీడియం బడ్జెట్ సినిమాలను తెరకెక్కిస్తున్నారు. ఈ క్రమంలో కొన్ని హిట్లు కూడా అందుకున్నారు. అయితే ఇప్పుడు మరోసారి బాలకృష్ణతో కలిసి సినిమా చేయాలనుకుంటున్నారట. నాగశౌర్య లాంటి కుర్ర హీరో ఈ సినిమాలో నటిస్తారని.. అదే సినిమాలో ఓ పవర్ ఫుల్ పాత్రలో బాలకృష్ణ నటిస్తారని ఇండస్ట్రీలో వార్తలు వినిపిస్తున్నాయి.
ఓ కొత్త దర్శకుడు రాసుకున్న కథతో ఈ సినిమాని పట్టాలెక్కించాలని ప్లాన్ చేస్తున్నారని సమాచారం. బాలయ్యతో నటించడానికి నాగశౌర్య సిద్ధంగానే ఉన్నారట. కానీ ఇంకా బాలయ్య ఈ విషయంలో ఎలాంటి నిర్ణయం తీసుకోలేదని తెలుస్తోంది. ప్రస్తుతం శౌర్య, బాలయ్య ఇద్దరూ కూడా తమ సినిమాలతో బిజీగా ఉన్నారు. శౌర్య వరుస సినిమాలను లైన్ లో పెడుతున్నారు. కొన్ని సినిమాలు సెట్స్ పై ఉండగానే మరికొన్ని పూజా కార్యక్రమాలు మొదలుపెట్టి షాకిస్తున్నాడు.
తన నుండి వరుస సినిమాలు రిలీజ్ చేయాలనేది ఈ హీరో ప్లాన్. మరోపక్క బాలయ్య ప్రస్తుతం బోయపాటి శ్రీను దర్శకత్వంలో ఓ సినిమా చేస్తున్నాడు. షూటింగ్ దశలో ఉన్న ఈ సినిమాని త్వరలోనే పూర్తి చేసి విడుదల చేయాలనుకుంటున్నారు. మరి ఈ హీరోల ప్రాజెక్ట్ లు పూర్తయి ఇద్దరూ రెడీ కావాలంటే చాలా సమయం పడుతుంది. మరి అప్పటికి వీరి కాంబోలో సినిమా వస్తుందేమో చూడాలి!
Most Recommended Video
‘కమిట్‌ మెంటల్’ వెబ్ సిరీస్ రివ్యూ & రేటింగ్!
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
Home
