నందమూరి సింహం.. తగ్గట్లేదుగా

December 29, 2020 / 02:29 PM ISTByFilmy Focus

Join Us

టాలీవుడ్ స్టార్ హీరోల్లో ఒకరైన నందమూరి బాలకృష్ణ వయసు పెరుగుతున్న కొద్దీ స్పీడ్ కూడా పెంచుతున్నారు. ఏ మాత్రం తగ్గకుండా నేటితరం యువ హీరోలకంటే జెట్ స్పీడ్ లో సినిమాలు చేస్తున్నారు. జయాపజయాలను ఏ మాత్రం లెక్క చేయడం లేదు. వీలైనంత వరకు తనకు నచ్చిన దర్శకులతోనే సినిమా చేయడానికి ప్రయత్నం చేస్తున్నాడు. అయితే బాలయ్య దాదాపు 5 సినిమాలను లైన్ లో పెట్టినట్లు తెలుస్తోంది. ప్రస్తుతం బోయపాటి దర్శకత్వంలో ఒక సినిమా చేస్తున్న విషయం తెలిసిందే.

ఆ సినిమా సమ్మర్ లో ప్రేక్షకుల ముందుకు వచ్చే అవకాశం ఉంది. ఇక ఆ సినిమా తరువాత ఎవరితో వర్క్ చేస్తారు అనే విషయంలో ఇంకా అఫీషియల్ గా క్లారిటీ ఇవ్వలేదు గాని బి.గోపాల్ దర్శకత్వంలో వర్క్ చేసే ఛాన్స్ ఉన్నట్లు తెలుస్తోంది. ఇక పూరి జగన్నాథ్ తో కూడా ఒక సినిమా చేయాలని ఎప్పుడో ఫిక్స్ అయ్యారు. ఆ తరువాత డిక్టేటర్ దర్శకుడు శ్రీవాస్ తో కూడా ఒక సినిమా చేయాలని అనుకుంటున్నారట.

ఇక ఇటీవల ఆ నలుగురు దర్శకుడు చంద్ర సిద్దార్థ్ చెప్పిన ఒక డిఫరెంట్ మెస్సేజ్ ఓరియెంటెడ్ సినిమాకు కూడా బాలయ్య గ్రీన్ సిగ్నల్ ఇచ్చినట్లుగా తెలుస్తోంది. దాదాపు ఈ లిస్టులో ఉన్న అన్ని సినిమాలను ఎలాగైనా మరో మూడేళ్ళలో ఫినిష్ చేసి రిలీజ్ చేయాలని అనుకుంటున్నాడట. మరి ఆ సినిమాలు బాలయ్యకు ఎలాంటి విజయాన్ని అందిస్తాయో చూడాలి.