Balakrishna: ‘మా’ ఎన్నికలు.. ఆ ఓట్లను బాలయ్య చీలుస్తారా..?

మూవీ ఆర్టిస్ట్ అసొసియేషన్ ఎన్నికలు చాలా సంవత్సరాల నుంచి జరుగుతున్నప్పటికీ ఎక్కువ సంఖ్యలో సినీ ప్రముఖులు అధ్యక్ష పదవికి పోటీ చేస్తుండటంతో ఈ ఎన్నికల రిజల్ట్ పై ఇండస్ట్రీ వర్గాల్లో జోరుగా చర్చ జరుగుతోంది. సాధారణంగా నందమూరి బాలకృష్ణ ‘మా’ ఎన్నికలను గతంలో పెద్దగా పట్టించుకోలేదు. ఇప్పుడు మాత్రం జీవితా రాజశేఖర్ కు బాలయ్య మద్దతు ఉందని జీవితకు ఎక్కువ ఓట్లు వచ్చేలా బాలయ్య ప్రయత్నాలు చేస్తున్నారని సమాచారం. అయితే బాలయ్య సోలోగా ప్రయత్నం చేయడానికి బదులుగా ఎన్టీఆర్ ను కలుపుకుంటే జీవిత ఎన్నికల్లో విజయం సాధించడానికి అవకాశాలు ఎక్కువగా ఉంటాయి.

బాబాయ్ తో ఎటువంటి విభేదాలు లేవని జూనియర్ ఎన్టీఆర్ ఇప్పటికే పలు సందర్భాల్లో స్పష్టతనిచ్చారు. అయితే బాలయ్య మాత్రం కొన్ని రోజుల క్రితం తెలుగుదేశం పార్టీకి జూనియర్ ఎన్టీఆర్ అవసరం లేదనే విధంగా కామెంట్లు చేయడం గమనార్హం. బాలయ్య మద్దతు వల్ల మెగా కాంపౌండ్ కు మద్దతు ఇచ్చేవాళ్లలో కొంతవరకు ఓట్లు చీలే అవకాశాలు ఉన్నాయని తెలుస్తోంది. మరోవైపు క్యారెక్టర్ ఆర్టిస్ట్ హేమ చేతిలో 150 ఓట్లు ఉన్నాయని 150 మంది సభ్యులు ఆమెకే ఓట్లు వేసే అవకాశాలు కచ్చితంగా ఉన్నాయని తెలుస్తోంది.

మరోవైపు చిరంజీవి బాలయ్య ఇద్దరినీ కోరుకునే వ్యక్తులు ఈసారి ఎన్నికలకు దూరంగా ఉండే అవకాశాలు అయితే ఉన్నాయి. చిరంజీవి, బాలయ్య పరోక్షంగా మద్దతు ఇస్తున్న నేపథ్యంలో ఎవరు అధ్యక్ష పదవికి ఎంపికవుతారో చూడాల్సి ఉంది. మూవీ ఆర్టిస్ట్ అసోసియేషన్ చరిత్రలోనే ఈ ఎన్నికలు రసవత్తరంగా మారబోతున్నాయని తెలుస్తోంది.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!