హిట్టు కొట్టినా బాలకృష్ణ తక్కువే పెంచారా?

గత కొన్నేళ్లలో యంగ్ జనరేషన్ స్టార్ హీరోల పారితోషికం ఊహించని స్థాయిలో పెరిగింది. కొందరు స్టార్ హీరోలు 100 కోట్ల రూపాయల రేంజ్ లో రెమ్యునరేషన్ ను తీసుకుంటున్నారని వార్తలు ప్రచారంలోకి వస్తున్నాయి. సీనియర్ హీరోలలో ఒకరైన చిరంజీవి కూడా ఒక్కో సినిమాకు 30 కోట్ల రూపాయల స్థాయిలో రెమ్యునరేషన్ ను తీసుకుంటున్నారు. అయితే బాలయ్య మాత్రం పరిమితంగానే పారితోషికం తీసుకుంటున్నారు.

బాలయ్యకు అఖండ సినిమాకు రిలీజ్ కు ముందు 9 కోట్ల రూపాయలు రెమ్యునరేషన్ గా దక్కింది. అయితే అఖండ అంచనాలకు మించి బ్లాక్ బస్టర్ హిట్ గా నిలవడంతో సినిమా రిలీజ్ తర్వాత నిర్మాత 2 కోట్ల రూపాయల రెమ్యునరేషన్ తో పాటు జీఎస్టీ ఇచ్చారని సమాచారం. ఆ విధంగా బాలయ్య అఖండ సినిమాకు 11 కోట్ల రూపాయల రెమ్యునరేషన్ తో పాటు జీఎస్టీని కూడా అందుకున్నారు.

అఖండ సక్సెస్ తో బాలయ్య తన పారితోషికాన్ని సులువుగా 15 కోట్ల రూపాయలకు పెంచవచ్చు. అయితే బాలయ్య మాత్రం కేవలం కోటి రూపాయల రెమ్యునరేషన్ మాత్రమే పెంచారని తెలుస్తోంది. గోపీచంద్ మలినేని మూవీ కోసం బాలయ్య పారితోషికంగా 12 కోట్ల రూపాయలు ప్లస్ జీఎస్టీని అందుకోనున్నారని సమాచారం అందుతోంది. బాలయ్య కోటి రూపాయలు మాత్రమే పెంచడం అభిమానులకు నచ్చకపోయినా నిర్మాతలకు బెనిఫిట్ కలగనుంది.

మాస్ యాక్షన్ ఎంటర్టైనర్ గా ఈ సినిమా తెరకెక్కనుందని తెలుస్తోంది. వాస్తవ సంఘటనల ఆధారంగా ఈ సినిమాను గోపీచంద్ మలినేని తెరకెక్కిస్తున్నారని సమాచారం. ఈ సినిమా ఒక కన్నడ సినిమాకు రీమేక్ అని వార్తలు ప్రచారంలోకి వచ్చినా ఆ వార్తల్లో నిజం లేదని తెలుస్తోంది. బాలయ్యకు జోడీగా శృతి హాసన్ నటిస్తుండగా బాలయ్య ఈ సినిమాతో మరో సక్సెస్ ను ఖాతాలో వేసుకుంటారేమో చూడాల్సి ఉంది. బాలయ్య వరుస విజయాలను సొంతం చేసుకోవాలని అభిమానులు భావిస్తున్నారు.