తనతో ఈ ఏడాది “జైసింహా” అనే సూపర్ హిట్ చిత్రాన్ని ప్రొడ్యూస్ చేసిన సి.కళ్యాణ్ “ఇంటిలిజెంట్” చిత్రంతో తీవ్రంగా నష్టపోవడమే కాక తాను అత్యంత ప్రతిష్టాత్మకంగా చేపట్టిన “ఎన్టీయార్” బయోపిక్ రెగ్యులర్ షూట్ మొదలవ్వడం కాస్త లేట్ అయ్యే అవకాశాలు ఎక్కువగా ఉండడంతో.. ఈలోపు టైమ్ వేస్ట్ చేయడం ఎందుకని సి.కళ్యాణ్ నిర్మాణంలో వి.వి.వినాయక్ దర్శకత్వంలో ఒక సినిమా చేసేందుకు సన్నద్ధమవుతున్నాడు నందమూరి బాలకృష్ణ. ప్రస్తుతం ప్రీప్రొడక్షన్ వర్క్ జరుపుకొంటున్న ఈ చిత్ర ప్రారంభోత్సవానికి ముహూర్తం కూడా ఫిక్స్ చేసేశాడు.
మే 27న అత్యంత ఘనంగా తన 103వ చిత్రాన్ని ప్రారంభించాలని ప్లాన్ చేస్తున్నాడట బాలయ్య.
“ఇంటిలిజెంట్”తో బాగా ఢీలాపడిన వినాయక్ “చెన్నకేశవరెడ్డి” తర్వాత బాలయ్యతో తీయబోయే చిత్రంతో మళ్ళీ బౌన్స్ బ్యాక్ అవుదామని ప్రిపరేషన్ లో ఉన్నాడు. అందుకే బాలయ్య మాస్ అప్పీల్ కి తగ్గట్లు మంచి ఫ్యాక్షన్ స్టోరీ రెడీ చేసుకొన్నాడట. కాస్త పోలిటికల్ టచ్ కూడా ఉండే ఈ చిత్రం దసరా కానుకగా విడుదల చేయాలని ప్లాన్ చేస్తున్నారు దర్శకనిర్మాతలు. బాలయ్య అభిమానుల్లోనూ ఈ చిత్రంపై మంచి అంచనాలే ఉన్నాయి.
Home