Balakrishna: బాలయ్యనే కావాలంటున్న సీనియర్ దర్శకుడు

నందమూరి బాలకృష్ణ, బోయపాటి శ్రీనుల అఖండ అద్భుతమైన రన్‌తో ట్రేడ్ నిపుణులను ఆశ్చర్యపరుస్తోంది. బాలకృష్ణ తొలి 150 కోట్ల సినిమాగా అఖండ నిలిచింది. ఈ సినిమా 45వ రోజున కూడా ఏపీ, తెలంగాణల్లోని చాలా సెంటర్లలో హౌస్‌ఫుల్‌గా రికార్డు సృష్టించింది. ఇతర కేంద్రాలలో, మాస్ మరియు కుటుంబ ప్రేక్షకుల ఆదరణతో కలెక్షన్లు బలంగా ఉన్నాయి. 45వ రోజు కూడా హౌస్‌ ఫుల్‌గా రికార్డు సృష్టించిన సినిమా అంటే ఇది అతిపెద్ద ఘనత అనే చెప్పాలి.

బాలయ్య – బోయపాటి కాంబినేషన్‌కి ఉన్న క్రేజ్‌ ఏమిటో మరోసారి అర్ధమయ్యింది. ఇక మరికొందరు సీనియర్ దర్శకులు నందమూరి బాలకృష్ణతో అదే తరహాలో సినిమాలు చేయాలని ఆసక్తిగా ఎదురుచూస్తున్నారు. ఇక అలాంటి దర్శకులతో బి.గోపాల్ కూడా ఉన్నారు. ఆయన గతంలో బాలకృష్ణతో చేసిన సినిమాలు బాక్సాఫీస్ వద్ద కూడా భారీ స్థాయిలో విజయాన్ని అందుకున్నాయి. లారీ డ్రైవర్, రౌడి ఇన్స్పెక్టర్, నరసింహా నాయుడు అప్పట్లో ఒక సెన్సేషన్ ను క్రియేట్ చేసి బాలకృష్ణ మార్కెట్ ను కూడా అమాంతంగా పెంచేశాయి.

అయితే బి.గోపాల్ కూడా బాలయ్యతో మరో సినిమా చేయాలని గత పదేళ్లుగా ప్రయత్నం చేస్తూనే ఉన్నాడు. అయినప్పటికీ సరైన స్క్రిప్ట్ సిద్ధం కాకపోవడంతో వీరి కాంబినేషన్ సెట్టవ్వడం లేదు. ఆ మధ్య కాలంలో బి.గోపాల్ ప్రముఖ రచయిత సాయి మాధవ్ బుర్ర తో మాట్లాడి కథను అందించే ఆలోచనలో ఉన్నట్లు టాక్ వచ్చింది. అతనితో కూడా ఈ సీనియర్ దర్శకుడు చాలాసార్లు సిట్టింగ్ వేశాడట. పూర్తి కథ కూడా సిద్ధమైనట్లు టాక్ వచ్చింది.

కానీ బాలయ్య మాత్రం ఆ ప్రాజెక్ట్ పై పూర్తి స్థాయిలో కాన్ఫిడెంట్ గా లేకపోవడంతో వెంటనే రిజెక్ట్ చేసినట్లు సమాచారం. అలాగే బి.గోపాల్ ను నిరాశపరచకుండా తప్పకుండా మరో కథను తీసుకు రండి అని చెప్పాడట. ఇక బి.గోపాల్ కూడా బాలయ్యతోనే సినిమా చేయాలని మరికొందరు రైటర్స్ తో కలిసి కథ చర్చలు మొదలు పెట్టినట్లు సమాచారం. మరి ఈ కాంబో ఎప్పుడు సెట్స్ పైకి వస్తుందో చూడాలి.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!