Balakrishna: హోళీ నాడు బాలయ్య ఫొటో వైరల్

బాలకృష్ణ చూడటానికి గంభీరంగా కనిపిస్తాడు కానీ.. భోళా శంకరుడు అంటారు కొందరు. బాలయ్య చూపు నిప్పేమో, మనసు మాత్రం వెన్న అంటుంటారు ఇంకొందరు. ఆయనకు సన్నిహితంగా ఉండేవాళ్లను అడిగితే ఈ రెండూ నిజమే అని చెబుతుంటారు. పెద్దల మధ్య పెద్దగా, పిల్లల మధ్య పిల్లాడిగా మారిపోతుంటారు బాలయ్య. అలాంటి ఓ ఫొటో ఇప్పుడు సోషల్‌ మీడియాలో హల్‌చల్‌ చేస్తోంది. ‘బీబీ3’ (బాలయ్య – బోయపాటి సినిమా వర్కింగ్‌ టైటిల్‌) సెట్‌లోని ఫొటో అని తెలుస్తోంది.

హోళీ సందర్భంగా ‘బీబీ3’ సెట్‌లో రంగులు చల్లుకుని పండగ జరుపుకున్నారట. ఈ క్రమంలో బాలయ్యకు ఓ చిన్నారి వచ్చి రంగులు పూసింది. దానికి ప్రతిగా బాలయ్య కూడా ఆ చిన్నారికి రంగు పూశాడు. ఆ తర్వాత ఆ చిన్నారిని బాలయ్య ఆప్యాయంగా దగ్గరకు తీసుకున్న ఫొటోనే ఇప్పుడు సోషల్‌ మీడియాలో వైరల్‌ అయ్యింది. పైన ఉన్న ఫొటో అదే. చూశారుగా… మీకు ‘లెజెండ్‌’ సినిమాలో ‘ఏది ఒక్కసారి మావయ్యా అనమ్మా’ అనే డైలాగ్‌ గుర్తు రాక మానదు.

‘ఏదీ.. ఒక్కసారి రంగు రాయమ్మా’ అంటూ అభిమానులు ఈ ఫొటోకింద కామెంట్లు చేసి ఆనందపడుతున్నారు. ముందు మేం చెప్పినట్లు బాలయ్య పిల్లలతో కలసిపోయి పెద్ద పిల్లాడిలా లేడు. అంతా ఆయనలో ఉన్న మ్యాజిక్‌ వల్లే. అన్నట్లు ఈ సినిమాలో బాలకృష్ణ విగ్‌ లేకుండా కనిపిస్తాడని వార్తలొచ్చాయి. ఈ ఫొటో చూస్తుంటే ఆ ‘విగ్‌లెస్‌ లుక్‌’ ఇదేనేమో అనిపిస్తోంది. సూపర్‌ ఉన్నాడు కదా. అయితే బాలయ్య పక్కన ఉన్న ఆ చిన్నారి ఎవరు అనేది మాత్రం తెలియడం లేదు.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!