పక్క రాష్ట్రాలు మాత్రమే కాదు పక్క దేశాలు కూడా ‘పవన్ కళ్యాణ్’ నామజపం చేస్తుండగా.. మన తెలుగులో ఒన్నాఫ్ ది టాప్ హీరో అయిన బాలకృష్ణ మాత్రం “పవన్ కళ్యాణా? ఎవరతను? నాకు తెలియదు?” అనడం ప్రస్తుతం చర్చనీయాంశం అయ్యింది. ప్రస్తుతం స్పెషల్ స్టేటస్ విషయంలో పవన్ కళ్యాణ్ కేంద్ర ప్రభుత్వాన్ని ప్రశ్నించడం గురించి మీడియా బాలయ్యను అడగగా.. ఆయన ఈ విధంగా “పవన్ కళ్యాణ్ ఎవరు?” అని మీడియాని రివర్స్ లో ప్రశ్నించడం మళ్ళీ ఫ్యాన్ వార్స్ కి దారి తీసింది.
ముఖ్యంగా ఇటీవల బాలయ్య మెగాహీరోల్లో ఒకడైన “సాయిధరమ్ తేజ్” నటించిన “ఇంటిలిజెంట్” టీజర్ ను విడుదల చేయడం, ఆ టీజర్ విడుదల సందర్భంగా మెగా ఫ్యాన్స్ గురించి, మెగా హీరోల గురించి గొప్పగా మాట్లాడిన బాలయ్య ఇప్పుడు “పవన్ కళ్యాణ్ ఎవరు?” అనడం ఎంతవరకూ సబబు అనే విషయం ఆయనకే తెలియాలి. రాజకీయపరంగానూ టీడీపీకి సపోర్ట్ చేస్తున్న పవన్ కళ్యాణ్ ను పట్టుకొని బాలయ్య ఇలా అనడం ఏంటో, కోపంతో అన్నాడా లేక ఏదైనా చిరాకులో అలా అన్నాడా అనేది పక్కనపెడితే.. తన తోటి కథానాయకుడైన పవన్ కళ్యాణ్ గురించి బాలయ్య ఇలా అనడం అవమానకరం.
