‘వీర సింహా రెడ్డి’ అవతారంలో సంక్రాంతి వచ్చి అభిమానులను మెప్పించారు బాలయ్య. సినిమాలో బాలయ్య నటన, స్క్రీన్‌ ప్రజెన్స్‌కు భారీ స్పందన వస్తోంది. ఈ జోరును కొనసాగించడానికి బాలయ్య సిద్ధంగా ఉన్నారు. ఈ క్రమంలో బాలయ్య లైనప్‌ చూస్తే.. సూపర్‌ సాలిడ్‌గా కనిపిస్తోంది. ఆ వివరాలు చూస్తుంటే.. 2023 మాత్రమే కాదు.. 2024లో కూడా బాలయ్య డైరీ ఖాళీగా లేదు అని అంటున్నారు. ఇందులో సినిమాలతోపాటు ఓటీటీ, టీవీ కూడా ఉంది అని టాక్‌.
‘వీర సింహా రెడ్డి’ సినిమా ఇంకా విడుదల కాకుండానే కొత్త సినిమా షురూ చేసేశారు బాలకృష్ణ. అనిల్ రావిపూడి దర్శకత్వంలో రూపొందుతున్న సినిమా చిత్రీకరణ ఇప్పటికే ఒక షెడ్యూల్‌ పూర్తయింది. త్వరలో రెండో షెడ్యూల్‌ స్టార్ట్‌ చేస్తారని చెబుతున్నారు. అంతేకాదు ఆ తర్వాతి సినిమాల విషయంలోనూ బాలయ్య లైనప్‌ ఫుల్ స్ట్రాంగ్‌గా ఉంది. ఈ సినిమా అయిపోయిన వెంటనే బాలయ్య.. బోయపాటి శ్రీను సినిమా ఉంటుందట. ఏపీ అసెంబ్లీ ఎన్నికలకు ముందే ఈ సినిమా రావాలి అనేది గతంలో వేసుకున్న ప్లాన్. రామ్‌ సినిమా తర్వాత బోయపాటి ఇటొస్తారట.
ఈ సినిమా తర్వాత బాలయ్యతో సినిమా చేయడానికి రెడీగా నలుగురు దర్శకులు ఉన్నారు. బాలయ్యతో ‘అన్‌స్టాపబుల్‌’ ప్రోమోలు చేసి.. అభిమానులకు బాగా నచ్చేసిన ప్రశాంత్‌ వర్మ ఇప్పటికే ఓ కథ చెప్పారని అంటున్నారు. ‘విక్రమ్’ సినిమా స్టయిల్‌లో స్టైలిష్‌ యాక్షన్ ఎంటర్ టైనర్‌లా ఆ కథ ఉందని టాక్‌. ఆ తర్వాత ‘బింబిసార’ సినిమా ఫేమ్‌ వశిష్ట మల్లిడి సినిమా ఉండొచ్చు అంటున్నారు. ఆయన కూడా ఆ మధ్య కథ చెప్పి ఓకే అనిపించుకున్నారట. ఈ సినిమాను గీతా ఆర్ట్స్ నిర్మించనుందని చెబుతున్నారు.
ఇటీవల చిరంజీవితో ‘వాల్తేరు వీరయ్య’ అంటూ విజయం అందుకున్న బాబీ కొల్లి కూడా బాలకృష్ణకు టచ్‌లో ఉన్నారట. సితార ఎంటర్‌టైన్మెంట్స్‌ బ్యానర్‌ మీద ఈ సినిమా ఉండొచ్చు అంటున్నారు. ఆయనతోపాటు పరశురామ్‌ కూడా ఈ బ్యానర్‌ ఆలోచనలో ఉన్నారట. ఈ రెండేళ్లలో ఈ సినిమాలు వస్తాయి అని చెబుతున్నారు. ఇక సినిమాలు కాకుండా చూస్తే.. ‘అన్‌స్టాపబుల్‌ 3’ ఈ ఏడాది ద్వితీయార్ధంలో ఉంటుంది అంటున్నారు. ‘బిగ్‌ బాస్‌ 7’ హోస్ట్‌ చేసే ఆలోచనలో బాలయ్య ఉన్నారని ఓ టాక్‌. అలా రెండేళ్లు ఫుల్ ప్యాక్‌ బాలయ్య డైరీ.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
