బాలయ్య దెబ్బకు సైడ్ అయిన మెగా హీరో!!

ముకుంద, కంచె వంటి క్లాస్ చిత్రాల తర్వాత ‘లోఫర్’ అంటూ పూరి జగన్నాథ్ దర్శకత్వంలో విడుదలైన ఆ చిత్రంలో మాస్ హీరోగా అంతగా ఆకట్టుకోలేకపోయాడు మెగా హీరో వరుణ్ తేజ్. ఇక వరుణ్ తేజ్ తాజాగా వెంకీ అట్లూరి దర్శకత్వంలో ‘ఫీల్ మై లవ్’ అనే లవ్ స్టొరీతో ప్రేక్షకుల ముందుకు రాబోతున్నాడు. ఇటీవల క్రిష్ దర్శకత్వంలో ‘రాయబారి’ చిత్రంలో వరుణ్ తేజ్ నటించబోతున్నాడనే వార్తలు వినిపించిన ప్రస్తుతానికి ఆ సినిమాని వరుణ్ తేజ్ పక్కనపెట్టేసినట్లు తెలుస్తుంది. బాలయ్య 100 వ సినిమా దెబ్బ వరుణ్ తేజ్ కి తగిలిందని, దర్శకుడు క్రిష్ అందుకే ‘రాయబారి’ సినిమానుండి తప్పుకున్నాడని, దీనితో చేసేదేమీ లేక వరుణ్ తేజ్ సైడ్ అయిపోయి మరో సినిమా  చేస్తున్నాడని వినికిడి.

ఆ చిత్రానికి అల్లు అర్జున్ హీరోగా నటించిన ‘ఆర్య’ చిత్రంలోని సూపర్ హిట్ పాట పల్లవిని తీసుకుని ‘ఫీల్ మై లవ్’ అనే టైటిల్ ని ఖరారు చేసారు. త్వరలోనే ఈ సినిమాకి సంబంధించి పూర్తి వివరాలు అధికారికంగా వెల్లడించనున్నారు. ప్రస్తుతం బాలకృష్ణ 100 వ చిత్రానికి క్రిష్ దర్శకత్వం వహించబోతున్నాడని, అందువల్లే ‘రాయబారి’ చిత్రాన్ని కొంతకాలం పాటు పక్కనపెట్టినట్లు సమాచారం. బాలయ్య 100 వ చిత్రం ఒక హిస్టారికల్ కథతో తెరకెక్కబోతుందని దాని కోసం క్రిష్ ఒక కథని కూడా సిద్దం చేసాడని ఇండస్ట్రీ లో వార్తలు వినిపిస్తున్నాయి.