లయన్ ఎంట్రీ కి రంగం సిద్దమైనట్లేనా!!!

టాలీవుడ్ లో లయన్ ఎవరు అంటే ఇట్టే చెప్పే మాట నందమూరి నట సింహం బాలకృష్ణ, తన మొదటి సినిమా తాతమ్మ కల నుంచి రేపు సంక్రాంతి బరిలో దిగబోతున్న శాతకర్ణి వరకూ బాలయ్య చేసిన సినిమాల లిస్ట్ ఒకసారి తిరగేసి చూస్తే ఆయనకు సినిమాపై ఉన్న ప్రేమ, ఇట్టే అర్ధం అయిపోతుంది…అయితే ఎంతో ప్రతిష్టాత్మకంగా తన 100వ చిత్రాన్ని శాతవాహనుల రారాజు శాతకర్ణి కధతో తెరకెక్కించి త్వరలోనే అంటే సంక్రాంతి బరిలో బాక్స్ ఆఫీస్ ను షేక్ చెయ్యనున్నాడు బాలయ్య…ఇదిలా ఉంటే ఈ సినిమా తొలి లుక్ నుంచి అంచనాలను పెంచుకుంటూ వస్తుంది….అయితే అదే క్రమంలో ఈ విషయంలోనూ ఎట్టి పరిస్థితుల్లోనూ సినిమా రేంజ్ తగ్గకూడదు అన్న ఆలోచనతో దూసుకుపోయే క్రమంలో….ఇప్పటికే కన్నడ సూపర్ స్టార్ శివ రాజ్ కుమార్ ఈ సినిమాలో ప్రత్యేక పాత్ర చేసినట్లు సమాచారం.

అయితే ఇదిలా ఉంటే ఈ సినిమాపై మరింత హైప్ పెంచే క్రమంలో ఈ సినిమాలో బాలయ్య తనయుడు, యువ సింహం, నందమూరి మోక్షజ్ఞ ఒక ప్రత్యేక పాత్రలో మెరవనున్నట్లు తెలుస్తుంది…మోక్షజ్ఞ ఎంట్రీ ఇప్పటికే చాలా సార్లు ప్లాన్ చేసినా అది కుదరలేదు. లెజెండ్ సినిమాలో చిన్న నాటి బాలకృష్ణ రోల్ కు ముందు మోక్షజ్ఞను అనుకున్నా అది కుదరలేదు. అయితే ప్రస్తుతం తన వందవ సినిమాగా రాబోతున్న శాతకర్ణితో తనయుడి తెరంగేట్రం ప్లాన్ చేస్తున్నాడట బాలకృష్ణ. ఈ విషయాన్ని మాత్రం ఎట్టిపరిస్తితుల్లో బయటకు రాకుండా జాగ్రత్త పడుతున్నాడట. ఇక ఇప్పటికే ట్రైలర్స్, సాంగ్స్ తో దుమ్ము రేపుతున్న ఈ సినిమా మరి బాక్స్ ఆఫీస్ వద్ద విడుదల అయితే ఇంకెన్ని సంచలనాలకు ఆయుస్సు పోస్తుందో చూడాలి.

Also, do SUBSCRIBE to our YouTube channel to get latest Tollywood updates.