ఈ టైములో అలా బాలయ్యను యాక్సెప్ట్ చేస్తారా..?

అప్పటి రోజుల్లో రెయిన్ సాంగ్స్ కు మంచి ఆదరణ ఉండేది. హీరో, హీరోయిన్ లు వర్షంలో తడుస్తూ డ్యాన్స్ లు చేస్తుంటే థియేటర్ లలో మాస్ ఆడియన్స్ విజిల్స్ తో హోరెత్తించే వారు. అంతే వర్షంలో హీరోయిన్ ల తడి తడి అందాలను కూడా బాగా ఎంజాయ్ చేసేవారు. ఈ విషయంలో సీనియర్ ఎన్టీఆర్, అక్కినేని నాగేశ్వర రావు .. అప్పట్లోనే ఓ ట్రెండ్ ను సెట్ చేసి పెట్టారు. ఆ తరువాత ఈ ట్రెండ్ ని మరింతగా .. ప్రేక్షకులు ఎంజాయ్ చేసేలా మెగాస్టార్ చిరంజీవి ఓ బెంచ్ మార్క్ ను సెట్ చేసారు. తరువాత బాలయ్య, వెంకీ, నాగ్ లు కూడా ఈ వాన పాటల హవా ను కొనసాగించారు. అయితే ఇప్పుడు ఈ ట్రెండ్ పాతదైపోయిందనే చెప్పాలి. ఇప్పుడు రెయిన్ సాంగ్స్ కు అంత ఆదరణ లభిస్తుందా అంటే కచ్చితంగా అవునని చెప్పలేము.

ఇక అసలు విషయం ఏంటంటే… 1993 లో వచ్చిన ‘బంగారు బుల్లోడు’ సినిమాలోని ‘స్వాతి లో ముత్యమంత’ పాటని మళ్లీ బాలయ్య సినిమాలో రీమిక్స్ చేస్తున్నారట. రాజ్ – కోటి సంగీతంలో వచ్చిన ఏర పాట అప్పట్లో ఓ చార్ట్ బస్టర్. విజువల్ గా కూడా హీరో బాలయ్య.. బాలీవుడ్ హీరోయిన్ రవీనా టాండన్ లు.. వారి గ్లామర్ మరియు డ్యాన్స్ లతో ఇరక్కొట్టేసారు అనే చెప్పాలి. ఇప్పుడు బోయపాటి-బాలయ్య కాంబినేషన్లో తెరకెక్కుతోన్న చిత్రంలో ఈ పాటని .. రీమిక్స్ చేస్తున్నట్టు సమాచారం. ఈ పాటలో బాలయ్యతో హీరోయిన్ అంజలి చిందులు వేయబోతోందట. నేటి తరానికి మెప్పించే ట్యూన్ లతో ఈ చిత్రం మ్యూజిక్ డైరెక్టర్ తమన్ ఈ పాటని కంపోజ్ చేయబోతున్నట్టు సమాచారం. అయితే ఈ వయసులో బాలయ్యతో రెయిన్ సాంగ్ వర్కౌట్ అవుతుందా అనే అనుమానాలు కూడా వ్యక్తమవుతున్నాయి. మరి 60 ఏళ్ల వయసులో బాలయ్య … ఈ రెయిన్ సాంగ్ తో ఏమాత్రం మెప్పిస్తాడో చూడాలి.

Most Recommended Video

‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!