Akhanda: అరుదైన రికార్డ్ సాధించిన బాలయ్య అఖండ!

స్టార్ హీరో బాలకృష్ణ అఖండ సినిమాతో మరో భారీ బ్లాక్ బస్టర్ హిట్ ను సొంతం చేసుకున్నారు. ఏపీలో టికెట్ రేట్లు తగ్గకుండా ఉండి ఉంటే అఖండ 85 కోట్ల రూపాయలకు పైగా షేర్ కలెక్షన్లను సాధించి ఉండేదని బాలయ్య అభిమానులు భావిస్తున్నారు. తెలుగు రాష్ట్రాల్లో తక్కువ సంఖ్యలో థియేటర్లలో అఖండ ప్రదర్శితమవుతున్నా ఈ సినిమా చెప్పుకోదగ్గ స్థాయిలో షేర్ కలెక్షన్లను సొంతం చేసుకుంటోంది. అయితే ఈ సినిమా అరుదైన రికార్డులను కూడా సొంతం చేసుకుంటూ ఉండటం గమనార్హం.

మహేష్ బాబు థియేటర్ లో అఖండ సినిమా అరాచకం సృష్టించింది. బాలయ్య కెరీర్ లోనే బిగ్గెస్ట్ హిట్ గా నిలిచిన అఖండ 42 రోజుల్లో ఏఎమ్‌బి సినిమాస్‌లో కోటీ 14 లక్షల 83,500 రూపాయల గ్రాస్ కలెక్షన్లను సాధించింది. కరోనా కేసులు పెరుగుతున్న సమయంలో కోటి రూపాయలకు పైగా కలెక్షన్లు సాధించడం తేలిక కాదు. అయితే బాలయ్య మాత్రం అఖండ సినిమాతో సునాయాసంగా ఈ రికార్డును అందుకున్నారు. ఫుల్ రన్ లో అఖండ కలెక్షన్లు మరింత పెరిగే అవకాశాలు అయితే ఉన్నాయి.

అఖండ విడుదలై ఏడు వారాలవుతున్నా ఈ సినిమా దూకుడు ఏ మాత్రం తగ్గలేదు. అమెరికాలో కూడా అఖండ రికార్డ్ స్థాయిలో కలెక్షన్లను సొంతం చేసుకుంది. ఫైట్లు ఎక్కువగా ఉన్నాయని ఫస్ట్ హాఫ్ ఆశించిన స్థాయిలో లేదని విమర్శలు వచ్చినా అఖండ అన్ని ప్రాంతాల్లో అదుర్స్ అనిపించుకుంది. బాలయ్య సినీ కెరీర్ లో 100 కోట్ల రూపాయల గ్రాస్ కలెక్షన్లను సాధించిన సినిమాగా అఖండ నిలిచింది. కరోనా సెకండ్ వేవ్ తర్వాత రిలీజైన ఈ సినిమా బాక్సాఫీస్ వద్ద సంచలన రికార్డులను ఖాతాలో వేసుకుంది.

బాలయ్య తర్వాత సినిమా గోపీచంద్ మలినేని డైరెక్షన్ లో ఫిక్స్ అయింది. శృతి హాసన్ ఈ సినిమాలో హీరోయిన్ గా ఫిక్స్ అయ్యారు. భారీ బడ్జెట్ తో ఈ సినిమా మైత్రీ మూవీ మేకర్స్ బ్యానర్ పై తెరకెక్కుతోంది.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!