Balakrishna, Srikanth: ఇకపై విలన్ గా చేయొద్దని చెప్పా!

టాలీవుడ్ సీనియర్ నందమూరి బాలకృష్ణ ఇటీవల 61వ పుట్టినరోజు వేడుకలు జరుపుకున్న సంగతి తెలిసిందే. ఈ సందర్భంగా ఆయన ఓ మీడియా ఛానెల్ కి ఇచ్చిన ఓ ఇంటర్వ్యూ యూట్యూబ్ లో వైరల్ అవుతోంది. ఇందులో ఆయన ఎన్నో విషయాలను అభిమానులతో పంచుకున్నారు. సినిమాలు, రాజకీయాలు, కుటుంబం ఇలా అన్ని విషయాలపై ఆయన స్పందించారు. ఈ క్రమంలో ఆయన నటుడు శ్రీకాంత్ కి వార్నింగ్ ఇచ్చినట్లు చెప్పారు. హీరోగా ఎన్నో సినిమాలు చేసిన శ్రీకాంత్ ఈ మధ్యకాలంలో క్యారెక్టర్ ఆర్టిస్ట్ గా విలన్ గా సినిమాలు చేస్తున్నారు.

బోయపాటి రూపొందిస్తోన్న ‘అఖండ’ సినిమాలో కూడా శ్రీకాంత్ నెగెటివ్ షేడ్స్ ఉన్న పాత్రలో కనిపించనున్నారు. అయితే షూటింగ్ సమయంలో శ్రీకాంత్ ని కలిసిన బాలయ్య ఇకపై ఈ విలన్ వేషాలు వద్దని గట్టిగా చెప్పారట. అతడికి ఆఫర్స్ వస్తాయని చెప్పి.. ఓ కథను కూడా సజెస్ట్ చేసినట్లు బాలయ్య చెప్పుకొచ్చారు. అంతేకాదు ఆ కథకి ఓ దర్శకుడిని కూడా రిఫర్ చేశానని అన్నారు. ఒకట్రెండు సినిమాలు చేసిన తరువాత మళ్లీ ప్రయోగాలు చేసుకోమని శ్రీకాంత్ కి చెప్పిన విషయాన్ని గుర్తుచేసుకున్నారు.

నిజానికి శ్రీకాంత్ తనకేమీ కారని కానీ ఇండస్ట్రీలో అందరూ బాగుండాలనే ఉద్దేశంతో అతడికి సలహా ఇచ్చారని తెలిపారు. గతంలో శ్రీకాంత్.. బాలయ్యతో కలిసి ‘శ్రీరామరాజ్యం’ సినిమాలో నటించారు. బాలయ్య శ్రీరాముడిగా నటిస్తే.. శ్రీకాంత్ లక్ష్మణుడిగా కనిపించారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!