Veera Simha Reddy: రాయలసీమలో ‘వీరసింహారెడ్డి’!

నందమూరి బాలకృష్ణ.. గోపీచంద్ మలినేని దర్శకత్వంలో ‘వీర సింహారెడ్డి’ అనే సినిమాలో నటిస్తోన్న సంగతి తెలిసిందే. ఫ్యాక్షన్ బ్యాక్ డ్రాప్ ఈ సినిమాను తెరకెక్కిస్తున్నారు. ఫ్యాక్షన్ అంటే ప్రేక్షకులకు గుర్తొచ్చేది రాయలసీమ. ఇప్పుడు అదే సీమలో ‘వీరసింహారెడ్డి’ షూటింగ్ నిర్వహించనున్నారు. రాయలసీమలో అనంతపురంలో ఐదు రోజులు పాటు ‘వీరసింహారెడ్డి’ షూటింగ్ చేయడానికి ఏర్పాట్లు చేశారు. నవంబర్ 9న పెన్న అహోబిలంలోని లక్ష్మీ నరసింహస్వామి దేవాయలంలో 10, 11 తేదీల్లో ఉరవకొండలోని అమిద్యాల, రాకెట్ల ప్రాంతాల్లో..

12, 13 తేదీల్లో పెనుకొండ కోటలో ఈ సినిమా షూటింగ్ చేయనున్నట్లు చిత్రబృందం వెల్లడించింది. రాయలసీమలో బాలకృష్ణ షూటింగ్ చేస్తే సినిమా హిట్ అనేది అభిమానుల నమ్మకం. ఇప్పటివరకు బాలకృష్ణ ఫ్యాక్షన్ నేపథ్యంలో చేసిన మెజారిటీ సినిమాలు సక్సెస్ అయ్యాయి. దీంతో ‘వీరసింహారెడ్డి’పై అంచనాలు పెరిగిపోయాయి. బాలయ్య ఫ్యాన్స్ కోరుకునే విధంగా పక్కా కమర్షియల్ ఎంటర్టైనర్ గా ఈ సినిమాను తెరకెక్కిస్తున్నారు. రీసెంట్ గానే హైదరాబాద్ లో భారీ యాక్షన్ సీక్వెన్స్ ను చిత్రీకరించారు.

సినిమాలో కీలకసందర్భంలో ఈ ఫైట్ వస్తుందని.. హీరోయిజం ఎలివేట్ అయ్యేలా ఈ సీన్ ఉంటుందని అంటున్నారు. ఇక ఈ సినిమా విషయానికొస్తే.. ఇందులో సిస్టర్ సెంటిమెంట్ ఉంటుందట. బాలయ్యకు సోదరిగా వరలక్ష్మి శరత్ కుమార్ కనిపించనుంది. శృతిహాసన్ హీరోయిన్ గా కనిపించనుంది.

అలానే మలయాళ నటుడు లాల్, నవీన్ చంద్ర, మురళీ శర్మ, ఈశ్వరీ రావు కీలకపాత్రల్లో కనిపించనున్నారు. చంద్రికా రవి ఐటెం సాంగ్ లో కనిపించనుంది. మైత్రీ మూవీ మేకర్స్ పతాకంపై నవీన్ ఎర్నేని, వై. రవిశంకర్ ఈ చిత్రాన్ని నిర్మిస్తున్నారు. ఎస్.ఎస్.తమన్ ఈ సినిమాకి సంగీతం అందిస్తున్నారు.

ఊర్వశివో రాక్షశివో సినిమా రివ్యూ & రేటింగ్!

Most Recommended Video

లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!