ప్రముఖ హీరో, హిందూపురం ఎమ్మెల్యే అయిన నందమూరి బాలకృష్ణ మరోసారి అభిమానుల చెయ్యి చేసుకున్నారు. విజయనగరం జిల్లా చీపురుపల్లిలో ఎన్నికల ప్రచారంలో భాగంగా ఆదివారం మధ్యాహ్నం రోడ్‌ షో నిర్వహించారు బాలయ్య. ఈ క్రమంలో ఈ సంఘటన చోటుచేసుకోవడం గమనార్హం. వివరాల్లోకి వెళితే చైతన్యరథం ముందు కొందరు అభిమానులు జై బాలయ్య అంటూ కొందరు గట్టిగా అరుస్తూ ఉన్నారు. అప్పటికే బాలయ్య అరుస్తూ కంట్రోల్ చేసే ప్రయత్నంచేస్తున్నాడు.
ఈ క్రమంలో మరికొంత మంది ముందుభాగంలో ఉండే ఐరన్‌ పై వేలాడుతూ జై బాలయ్య అంటూ అరుస్తున్నారు. వాహనం ముందుకు వెళ్ళే అవకాశం కూడా లేదు. దీంతో బాలకృష్ణకు కోపం వచ్చింది. వెంటనే క్రిందకి దిగి ఓ ఆ అభిమాని వెంట పడ్డాడు బాలయ్య. ఆ అభిమాని పారిపోవడానికి ప్రయత్నించినా బాలయ్య వదిలి పెట్టలేదు.. తన వెంట పరిగెట్టి మరీ చెయ్యి చేసుకున్నాడు. ప్రస్తుతం ఈ వీడియో సోషల్ మీడియాలో వైరల్ అవుతుంది. ‘ఎమ్మెల్ల్యే అనే అహంకారంతో ఇలా ఎంతమంది పై చెయ్యి చేసుకుంటావ్.. పోలీసులకు తప్ప ముఖ్యమంత్రి, ప్రధాన మంత్రి కూడా ఇలా ప్రజల పై చెయ్యి చేసుకోరు.. నీలాంటి వాడు ఎలా గెలుస్తాడు.. అసలు నీలాంటి రాజకీయ నాయకుడికి ఎవడు ఓటేస్తాడు’ అంటూ బాలయ్య పై మండిపడుతున్నారు నెటిజన్లు.
Home
