Balayya Babu: బాలయ్య ఆ విషయంలో మారినట్టేనా..?

రేపు స్టార్ హీరో నందమూరి బాలకృష్ణ పుట్టినరోజనే సంగతి తెలిసిందే. ఒక్కో సినిమాకు పది కోట్ల రూపాయల పారితోషికం తీసుకుంటున్న బాలకృష్ణ ప్రస్తుతం తనకు సింహా, లెజెండ్ సినిమాలతో బ్లాక్ బస్టర్ హిట్లు ఇచ్చిన బోయపాటి శ్రీను డైరెక్షన్ లో అఖండ సినిమాలో నటిస్తున్నారు. ఇప్పటికే అఖండ సినిమాకు సంబంధించి రెండు టీజర్లు రిలీజ్ కావడంతో బాలయ్య పుట్టినరోజు సందర్భంగా ట్రైలర్ రిలీజ్ అవుతుందని ఫ్యాన్స్ భావించారు. అయితే అఖండ మేకర్స్ మాత్రం కేవలం పోస్టర్ తో సరిపెడుతున్నారు.

మరోవైపు గోపీచంద్ మలినేని సినిమాకు సంబంధించిన ప్రకటన వెలువడినా అనిల్ రావిపూడి సినిమాకు సంబంధించిన ప్రకటన మాత్రం ఉండకపోవచ్చని ఇండస్ట్రీ వర్గాల్లో వినిపిస్తోంది. గోపీచంద్ మలినేని బాలయ్యతో తెరకెక్కించే సినిమా రియల్ స్టోరీతో తెరకెక్కనుందని తెలుస్తోంది. మరోవైపు బాలయ్య దర్శకులను ఎంచుకునే విషయంలో పూర్తిగా మారినట్టేనని తెలుస్తోంది. కొన్నేళ్ల క్రితం వరకు బాలయ్య దర్శకుల ట్రాక్ రికార్డ్ తో సంబంధం లేకుండా సినిమా ఛాన్స్ లు ఇచ్చారు. అయితే బాలయ్య ఇప్పుడు మాత్రం హిట్ డైరెక్టర్లకు మాత్రమే ఛాన్స్ లు ఇస్తున్నారు.

క్రాక్ సక్సెస్ తో గోపీచంద్ మలినేని, వరుస విజయాలతో అనిల్ రావిపూడి జోరుమీదున్న సంగతి తెలిసిందే. ఈ ఏడాది బాలయ్య నటించిన అఖండ మాత్రమే రిలీజ్ కానుండగా వచ్చే ఏడాది రెండు సినిమాలను రిలీజ్ చేయాలని బాలయ్య భావిస్తున్నట్టు తెలుస్తోంది. కథ నచ్చితే మాత్రమే గ్రీన్ సిగ్నల్ ఇవ్వాలని సినిమాసినిమాకు మార్కెట్ పెరిగేలా జాగ్రత్త పడాలని బాలయ్య భావిస్తున్నట్టు సమాచారం.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!