“కోపంతో” ఊగిపోతున్న బాలయ్య అభిమానులు!!!

టాలీవుడ్ లో నందమూరి నట సింహం బాలయ్య, ఆయన అభిమానుల రేంజ్, తీరు చాలా డిఫరెంట్ అనే చెప్పాలి. మంచి చేసినప్పుడు ఎంతటి ప్రోత్సాహాన్ని ఇచ్చి నెత్తిన పెట్టుకుంటారో, తేడా వస్తే అదే రేంజ్ లో తొక్కి పడేస్తారు. ఇంతకీ విషయం ఏమిటంటే డైనమిక్ డైరెక్టర్ బోయపాటి శ్రీను గుర్తున్నాడా?? వరుస పరాభవాలతో బాలయ్య కరియర్ సాగుతున్న సమయంలో సింహ సినిమాతో టాలీవుడ్ లో మరోసారి బాలయ్య కెప్యాసిటీ, క్యాలిబర్ ను రుచి చూపించిన దర్శకుడు. ఇక ఆ తరువాత లెజెండ్ సినిమాతో సరికొత్త రికార్డుల మోత మోగించాడు. ఆ రెండు సినిమాలు హిట్ అయిన తరుణంలో బోయపాటిని దేవుడులాగా కొలిచిన నందమూరి అభిమానులే ఇప్పుడు బోయపాటిపై కోపంతో ఊగిపోతున్నారు. దానికి గల కారణం ఏంటి అంటే, మొన్న జరిగిన బన్నీ సరైనోడు ఆడియోలో సింహ, లెజెండ్ సినిమాల గురించి చిరు కొన్ని ఆసక్తికర వ్యాఖ్యలు చేసిన సంగతి తెలిసిందే. చిరు మాట్లాడుతూ…నిజానికి బోయపాటి బాలయ్యబాబుతో తీసిన సింహా, లెజెండ్ సినిమాల కథను మొదట నేనే విన్నానని, వాటిలో కొన్ని మార్పులు చేసానని, దానివల్లే బోయపాటి శ్రీనివాస్ సక్సెస్ సాధించాడని చెప్పాడు. ఇక ఈ మాటలు విన్న బాలయ్య ఫ్యాన్స్ బాగా హర్ట్ అయ్యారు. అంటే చిరు మార్పులు చెయ్య బట్టి సినిమా హిట్ అయ్యిందా? మా బాలయ్య వల్ల కదా? అయినా చిరంజీవి చెప్పిన మార్పులు బోయపాటి ఎందుకు చెయ్యాలి ? అసలు అలాంటి కథ మా బాలయ్య బాబుకి ఎందుకు చెప్పాలని నందమూరి అభిమానులు కోపంతో ఊగిపోతున్నట్లుగా తెలుస్తోంది. ఇక ఆ కోపాన్ని తమదైన శైలిలో ప్రదర్శిస్తూ బోయపాటి శ్రీనివాస్ పోస్టర్లను, సరైనోడు పోస్టర్లను చించేస్తూ, తగలబెడుతూ తమ నిరసనని వ్యక్తం చేస్తున్నట్లుగా తెలుస్తోంది. ఏది ఏమైనా…మెగాస్టార్ గారి మాటలకు ఆర్దాలే వేరు.