బోయపాటి సినిమా కోసం భారీగా బరువు తగ్గుతున్న బాలయ్య

నాగార్జున అంటే ముందు నుంచీ ఫిట్ నెస్ ఫ్రీక్ కాబట్టి ఎప్పుడు ఫిట్ గా కనిపించేవాడు. కానీ.. మిగతా ముగ్గురు అగ్ర కథానాయకులు చిరంజీవి, బాలకృష్ణ, వెంకటేష్ లు మాత్రం మాత్రం జిమ్ కి వెళ్ళి కష్టపడింది లేదు. అయితే.. గురు సినిమా కోసం వెంకీ తన బాడీ లాంగ్వేజ్ & లుక్స్ ను కంప్లీట్ గా ఛేంజ్ చేసుకోగా.. రీసెంట్ గా కొరటాల శివ సినిమా కోసం చిరంజీవి దాదాపు 20 కిలోల వరకూ బరువు తగ్గి.. తన పుట్టినరోజుకు విడుదల చేసిన ఫోటోలతో అందర్నీ ఆశ్చర్యపరిచాడు. ఇప్పుడు బాలయ్య వంతు వచ్చింది. తన తోటి హీరోలందరూ చెమటోడ్చి మరీ సన్నబడడం చూసి బాలయ్య తాను మాత్రం ఎందుకు చేయలేను అనుకున్నాడు.

అందుకే.. ఆల్రెడీ కె.ఎస్.రవికుమార్ సినిమా కోసం 15 కేజీల వరకు తగ్గిన బాలయ్య, బోయపాటితో తన మూడో సినిమా కోసం మరో 10 కేజీలు తగ్గనున్నాడట. బోయపాటి సినిమాలో ఎప్పట్లానే ద్విపాత్రాభినయం పోషించబోతున్న బాలయ్య ఈ సినిమాలో కంప్లీట్ న్యూ లుక్ తో ఆశ్చర్యపరుస్తాడట. ఇలా అగ్ర కథానాయకులందరూ కష్టపడీ మరీ యంగ్ హీరోలకు పోటీ ఇస్తుండడం శుభపరిణామమే.

సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!