సరికొత్త భామకి బాలయ్య అవకాశం!

టాలెంట్ ను ప్రోత్సహించడంలో, కొత్తవారికి అవకాశం ఇవ్వడంతో, ఇంకా చెప్పాలి అంటే పని చెయ్యాలి అన్న కసి ఉన్నవారితో నటించాలి అన్న ఆలోచనలో ఉంటారు టాలీవుడ్ నట సింహం నందమూరి బాలకృష్ణ. అయితే తాజాగా ఆయన పూరీ జగన్నాధ్ దర్శకత్వంలో చేసిన 101 సినిమా పైసా వాసూల్ టాక్ పరంగా కాస్త అటు ఇటూగా ఉన్నా… మాస్ ప్రేక్షకులకు మాత్రం బాగా నచ్చిన మూవీగా ప్రేక్షక ఆధారణ పొందుతూ ఉంది. ముఖ్యంగా బీ…సీ సెంటర్స్ లో ఈ సినిమా మంచి వసూళ్లు రాబడుతూ ఉండడం విశేషం. ఇదిలా ఉంటే ఈ సినిమా రిలీజ్ కాక్ ముందే ప్రముఖ దర్శకుడు కె.ఎస్. రవికుమార్ డైరెక్షన్ లో ఒక పవర్‌ఫుల్ పాత్రలో నటించనున్నాడు మన నట సింహం. ఇప్పటికే ఈ సినిమా షూటింగ్ షురూ అయ్యింది.

ఇక ఈ సినిమాలో బాలయ్య సరసన ప్రముఖ హీరోయిన్ నయనతార మరోసారి జతకడుతూ ఉండగా…రెండో హీరోయిన్ కోసం ఇప్పటివరకూ చాలా మందిని అనుకుని చివరకి మలయాళ నటి నటాషా దోశిని ఒకే చేశారని సమాచారం. అయితే నటాషా మలయాళ చిత్రం ‘హైడ్‌ అండ్‌ సీక్‌’లో నటించారు. ఇక ఈ సినిమా గురించి నటాషా మాట్లాడుతూ…అగ్ర కథానాయకుడు బాలయ్యతో కలిసి పనిచేయడం చాలా సంతోషంగా ఉందని ఆమె తెలిపారు. అదే క్రమంలో ఈ సినిమాలో రెండు కీలక పాత్రల్లో ప్రకాశ్‌రాజ్‌, జయప్రకాశ్‌ రెడ్డి నటించనున్నారు. మొత్తంగా చూసుకుంటే ఈ సినిమా ఒక పవర్ ప్యాక్డ్ సినిమాగా తెరకెక్కనుంది.

Also, do SUBSCRIBE to our YouTube channel to get latest Tollywood updates.