శ్రియ శరణ్ ఇండస్ట్రీకి వచ్చి పదిహేడేళ్లవుతుంది. ఇప్పటికీ తరగని వన్నెతో, వన్నె తగ్గని ఒయ్యారాలతో ఏజ్ బార్ అనేది లేకుండా అందర్నీ తన అందాలతో, అభినయ సామర్ధ్యంతో అలరిస్తూనే ఉంది. అయితే.. గత రెండేళ్లుగా శ్రియకి సరైన విజయం మాత్రం దక్కలేదు. ఈ ఏడాది మొదట్లో “గౌతమిపుత్ర శాతకర్ణి”తో ఇండస్ట్రీ హిట్ కొట్టినప్పటికీ.. ఆ సక్సెస్ ఆమెకు మరో విజయం తెప్పించలేకపోయింది.
మళ్ళీ బాలయ్యే కనికరించి తన తాజా చిత్రం “పైసా వసూల్”లో అవకాశమిచ్చాడు. వచ్చిన అవకాశాన్ని ఎట్టిపరిస్థితుల్లోనూ వేస్ట్ చేసుకోకూడదు అనే ఉత్సాహంలో మునుపటికంటే కాస్త అందంగా కనిపించడంతోపాటు ప్రమోషన్స్ విషయంలోనూ కాస్త దూకుడు ప్రదర్శించింది. అయితే.. శ్రియ రోల్ సినిమాలో కేవలం సెకండాఫ్ లో మాత్రమే కనిపించడం అది కూడా 2 పాటలకు నాలుగు సన్నివేశాలకు పరిమితం అవ్వడం, అన్నిటికంటే ముఖ్యంగా సినిమాకి ఆశించిన స్థాయిలో పాజిటివ్ టాక్ రాకపోవడంతో.. ఈ సినిమా హిట్ అయితే ఇంకో రెండు తెలుగు సినిమాలకు సైన్ చేసే అవకాశం వస్తుందన్న శ్రియ ఆశలన్నీ గల్లంతయ్యాయి.
Also, do SUBSCRIBE to our YouTube channel to get latest Tollywood updates.
