Akhanda 2: ‘అఖండ 2’ పై బాలయ్య క్లారిటీ ఇచ్చేశాడు..!

నందమూరి బాలకృష్ణ – బోయపాటి శ్రీను లది ఆల్ టైం హిట్ కాంబినేషన్. 2010 కి ముందు బాలయ్య పని అయిపోయింది అనుకున్న టైంలో బోయపాటి వచ్చి.. ‘సింహా’ వంటి బస్టర్ ఇచ్చాడు. తర్వాత ఇదే కాంబినేషన్లో ‘లెజెండ్’ ‘అఖండ’ వంటి సినిమాలు వచ్చాయి. మొత్తం ఈ మూడు సినిమాలు కూడా.. బాలయ్య కెరీర్లో బిగ్గెస్ట్ హిట్స్ గా నిలిచాయి.ఈ కాంబినేషన్లో సినిమా అనగానే మాస్ ఆడియన్స్ థియేటర్లకు రావడానికి ఎగబడతారు అనడంలో అతిశయోక్తి లేదు.

అలాగే ఈ కాంబోలో మళ్ళీ మూవీ ఎప్పుడు వస్తుందా అని వారు ఎంతగానో ఎదురుచూస్తున్నారు. ఈ కాంబోలో సినిమాని నిర్మించడానికి బడా నిర్మాణ సంస్థలు రెడీగా ఉన్నాయి.అయితే ప్రస్తుతం బాలకృష్ణ రెండు సినిమాలతో బిజీగా ఉన్నారు.ఒకటి గోపీచంద్ మలినేని దర్శకత్వంలో.. మరొకటి అనిల్ రావిపూడి దర్శకత్వంలో..! మరోవైపు, బోయపాటి శ్రీను కూడా రామ్ తో ఓ సినిమా చేస్తున్నాడు. ఇవి పూర్తవ్వడానికి టైం పడుతుంది. అయితే బాలయ్య – బోయపాటి కాంబినేషన్లో మరో సినిమా వస్తే అది ‘అఖండ 2’ అవుతుంది అంటూ కథనాలు వినిపిస్తున్నాయి.

వీటి పై బాలయ్య క్లారిటీ ఇచ్చాడు. “ ‘అఖండ 2’ త్వరలోనే ఉంటుంది. దాని గురించి చర్చించాం. అన్నీ ఒక కొలిక్కి వచ్చాక ప్రకటిస్తాం,” అని నందమూరి బాలకృష్ణ చెప్పుకొచ్చారు. ‘అఖండ’ సినిమాని గోవాలో జరుగుతున్న ‘ఇఫి’లో ప్రదర్శించారు. గోవాకి వచ్చిన బాలకృష్ణ, బోయపాటి ఓ ప్రముఖ ఛానల్ తో ముచ్చటించడం జరిగింది. ఆ సమయంలో ఈ విషయం పై వారు క్లారిటీ ఇచ్చారు. బాలయ్య – బోయపాటి కాంబినేషన్లో వచ్చిన ‘అఖండ’ మూవీలో డ్యూయల్ రోల్ పోషించాడు బాలయ్య.

ఇందులో అఘోర పాత్రలో విశ్వరూపం చూపించాడు బాలయ్య. ఇంటర్వెల్ ఫైట్, సెకండ్ హాఫ్ లో వచ్చే పోలీస్ స్టేషన్ సీన్, ఆశ్రమం సీన్, క్లైమాక్స్ ఫైట్ వంటివి మాస్ ఆడియన్స్ కు పూనకాలు తెప్పించాయి. అందుకే రీ రిలీజ్ ఇచ్చినా ‘అఖండ’ ని ఎగబడి చూస్తున్నారు. అలాగే క్లైమాక్స్ లో కూడా ‘అఖండ 2’ కి కూడా స్కోప్ ఉంటుందని హింట్ ఇచ్చి వదిలేశాడు బోయపాటి.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..