టాలీవుడ్ టాప్ ఫ్యామిలీస్ లో ఒకటైన నందమూరి వంశంలో అటు బాబాయి బాలయ్య, ఇటు అబ్బాయి ఎన్టీఆర్ మధ్య కోల్డ్ వార్ రోజు రోజుకు పెరిగిపోతుంది. అదే క్రమంలో తెలుగుదేశం పార్టీ ఆంధ్ర ప్రదేశ్ లో అధికారంలో ఉండడం, ఇక బాలయ్య కు పాలిటిక్స్ పై మంచి పట్టు ఉండడంతో ఆంధ్ర ప్రదేశ్ రాష్ట్రంలో బాలయ్యకు తిరుగు లేకపోవడంతో ఎన్టీఆర్ తన వ్యూహాన్ని తెలంగాణాకి మార్చాడని రకరకాల గాసిప్పులు టాలీవుడ్ లో హల్‌చలా చేస్తున్నాయి…విషయంలోకి వెళితే…తెలంగాణ ప్రాంతంలో బాలకృష్ణ కంటే జూనియర్ కు ఎక్కువ క్రేజ్ ఉంది అన్న విషయం ఓపెన్ సీక్రెట్.
ఇక ఈ విషయాన్ని కాస్త లేట్ గా పసిగట్టిన జూనియర్ తాజాగా ప్రత్యేక వ్యూహాన్ని రచిస్తూ ముందుకు పోతున్నాడు…తెలంగాణ ప్రాంతంలో మరింత పెంచుకోవడానికి ‘జనతా గ్యారేజ్’ ఆడియో ఫంక్షన్ ను ఖమ్మం నగరంలో చేయాలని ఎన్టీఆర్ డిసైడ్ అయినట్లు సమాచారం. అదే క్రమంలో తాజాగా ‘జనతా గ్యారేజ్’ షూటింగ్ స్పాట్ కు వచ్చిన కొందరు ఖమ్మం అభిమానులతో ఎన్టీఆర్ ‘మనమంతా నందమూరి ఫ్యాన్స్’ అంటూ కామెంట్ చేసినట్లు టాక్.
అంతేకాదు నందమూరి ఫ్యాన్స్ లో వర్గాలు లేవనే కామెంట్స్ కూడ చేసినట్లు వార్తలు వస్తున్నాయి. ఇక ఈ మ్యాటర్ బాలయ్య దృష్టి వరకు వెళ్ళడంతో జూనియర్ అభిమానుల మధ్య చొచ్చుకుపోతున్న విషయాన్ని బాలకృష్ణ చాల నిశితంగా పరిశీలిస్తున్నట్లు తెలుస్తుంది. మరి దీనిపై బాలయ్య ఏమైన కౌంటర్ ఆటాక్ ప్లాన్ చేస్తాడేమొ చూడాలి.
