నేచురల్ స్టార్ నాని, డైరెక్టర్ మారుతి ల కాంబినేషన్ లో వచ్చిన ‘భలేభలే మగాడివోయ్’ చిత్రం బాక్సాఫీస్ వద్ద ఘన విజయాన్ని అందుకున్న సంగతి తెలిసిందే. ఈ చిత్రం ఘన విజయం సాధించడంతో ఇప్పుడు ఈ చిత్రానికి సీక్వెల్ ప్లాన్ చేస్తున్నారని అంటున్నారు.
కామెడీ కి కాస్త యాక్షన్ ను జోడించి ఈ చిత్రాన్ని రూపొందించే పనిలో మారుతి ఉన్నాడని ఫిల్మ్ నగర్ వర్గాలు అంటున్నాయి. కాగా ప్రస్తుతం మారుతి ‘బాబు బంగారం’ చిత్రాన్ని తెరకెక్కిస్తుండగా.. నాని ‘జెంటిల్ మన్’ చిత్రంలో నటిస్తున్నాడు. ఇద్దరు కూడా చెరో రెండు ప్రాజెక్ట్ లతో ప్రస్తుతం బిజీగా ఉన్నారు. మరి ఈ సీక్వెల్ ఉంటుందా..? ఉంటే ఎప్పుడు ప్రేక్షకుల ముందుకు వస్తుందన్న విషయాలు తెలియాల్సి ఉంది.
