డ్రగ్స్ కేసులో సినీ తరాల పేర్లు బయటికి వచ్చినప్పటి నుంచి తెలుగు చిత్ర పరిశ్రమలో కలకలం రేగింది. నోటీసులు అందుకున్న వారి పేర్లు ఇవే అంటూ మొదలైన హడావుడి సిట్ ముందు హాజరయ్యేంతవరకు కొనసాగుతోంది. పూరి జగన్నాథ్ సిట్ ముందుకు హాజరైనప్పుడు ఛానళ్ల వాళ్ళు అనేక కథనాలు ప్రసారం చేశారు. దీనిపై ఆయన మండిపడ్డారు. తనపై కట్టుకథలు అల్లారని, అవి తనని బాగా బాధకలిగించాయని ఆవేదన వ్యక్తం చేశారు. ప్రకాష్ రాజ్ తో పాటు అనేక మంది పూరికి అండగా నిలిచారు. తాజాగా నిర్మాత బండ్ల గణేష్ స్పందించారు. గణేష్ పూరి తో ఇద్దరమ్మాయిలతో, టెంపర్ సినిమాలు నిర్మించారు.
“నాకు పూరీ జగన్నాధ్తో చాలా కాలంగా పరిచయం ఉంది. అతను చాలా మంచి వ్యక్తి. డ్రగ్స్ కేసులో వస్తున్న ఆరోపణల గురించి నాకు తెలియదు. కానీ పూరీ ఈ కేసు నుంచి కడిగిన ముత్యంలా బయటపడతారు”అని ధీమా వ్యక్తం చేశారు. ఈ రోజు ఛార్మి ని సిట్ అధికారులు విచారిస్తున్నారు. ఈ విచారణ వచ్చేనెల 4 వ తేదీ వరకు కొనసాగుతుంది. అనంతరం కేసు పూర్తి వివరాలను పోలీసులు బయటపెడుతారు.
Also, do SUBSCRIBE to our YouTube channel to get latest Tollywood updates.
