హాస్పిటల్ నుండి డిశ్చార్జ్ అయిన బండ్ల గణేష్!

నిర్మాత బండ్ల గణేష్ దేవునికి కృతజ్ఞతలు తెలిపారు. తను కోవిడ్ నుండి పూర్తి కోలుకున్నట్లు తెలియజేస్తూ డాక్టర్ రిపోర్ట్ సోషల్ మీడియాలో పంచుకున్నారు. వారం రోజుల క్రితం బండ్ల గణేష్ కి కరోనా సోకినట్లు నిర్ధారణ అయ్యింది. హెయిర్ ట్రాన్స్ ప్లాంటేషన్ కోసమని ఓ ప్రముఖ క్లినిక్ వెళ్లిన గణేష్ కి కరోనా టెస్ట్ చేయగా, పాజిటివ్ అని తేలింది. దీనితో బండ్ల గణేష్ హైదరాబాద్ అపోలో హాస్పిటల్ లో చేరి చికిత్స తీసుకున్నారు.

చికిత్స తరువాత బండ్ల గణేష్ కరోనా వైరస్ నుండి పూర్తిగా బయటపడ్డారని డాక్టర్స్ అందించిన టెస్ట్ రిపోర్ట్ ఆయన సోషల్ మీడియా ద్వారా తన అభిమానులు, శ్రేయోభిలాషులకు షేర్ చేశారు. టాలీవుడ్ లో కరోనా బారిన పడ్డ మొట్టమొదటి సెలెబ్రిటీ బండ్ల గణేష్. ఆయనకు కరోనా సోకిందని తెలిసిన అనంతరం పరిశ్రమ మొత్తం అలెర్ట్ అయ్యారు. ఆయనతో పాటు మరో ఇద్దరు టీవీ సీరియల్ నటులకు కూడా కరోనా సోకిందని తెలియగానే అరాకొరా జరుగుతున్న షూటింగ్స్ కి కూడా బ్రేక్ ఇచ్చారు.

ఇక హైదరాబాద్ లో కరోనా వైరస్ వ్యాప్తి అదుపు చేయలేనంతగా పెరిగిపోయింది. దీనితో కొద్దిరోజులలో హైదరాబాద్ నగరంలో సంపూర్ణ లాక్ డౌన్ విధించే సూచనలు కలవని తెలుస్తుంది. ఇక రెచ్చిపోతున్న కరోనాను చూసి బడా ప్రొడ్యూసర్ సురేష్ బాబు లాంటి వారు కూడా భవిష్యత్ పై ఆందోళన వ్యక్తం చేస్తున్నారు.

Most Recommended Video

మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!