టాలీవుడ్ ఇండస్ట్రీలోని స్టార్ ప్రొడ్యూసర్లలో ఒకరైన బండ్ల గణేష్ ఈ మధ్య కాలంలో సినిమాల నిర్మాణానికి దూరంగా ఉన్నారు. పవన్ వీరాభిమానులలో ఒకరైన బండ్ల గణేష్ తాజాగా ఒక టీవీ ఛానల్ ఇంటర్వ్యూలో మాట్లాడిన మాటలు నెట్టింట తెగ వైరల్ అవుతున్నాయి. పవన్ కళ్యాణ్ తో బండ్ల గణేష్ సినిమా అని వార్తలు తెగ వైరల్ అయిన సంగతి తెలిసిందే. అయితే పవన్ తో సినిమా తీయకూడదని అనుకుంటున్నానని తాజాగా బండ్ల గణేష్ అన్నారు.
పవన్ కళ్యాణ్ త్వరగా సీఎం కావాలని తాను కోరుకుంటున్నానని అందువల్ల ఆయన సినిమాల్లో నటించకుండా రాజకీయాలపై దృష్టి పెట్టి సీఎం కావాలని తాను భావిస్తున్నానని ఆయన వెల్లడించారు. పవన్ సీఎం అయినంత మాత్రాన తనకు పదవి వస్తుందని ఆశ లేదని ఆయన తెలిపారు. నాకు ఎంపీ పదవులు, ఎమ్మెల్సీ పదవులు అవసరం లేదని బండ్ల గణేష్ కామెంట్లు చేయగా ఆ కామెంట్లు వైరల్ అవుతున్నాయి.
ప్రస్తుతం పవన్ కళ్యాణ్ లైనప్ బాగుందని ఆయన కామెంట్లు చేశారు. మరోవైపు ఒక స్టార్ డైరెక్టర్ తో బండ్ల గణేష్ కు విభేదాలు ఉన్నాయని ఈ మధ్య కాలంలో వార్తలు వైరల్ అయిన సంగతి తెలిసిందే. ఆ వార్తల గురించి బండ్ల గణేష్ స్పందిస్తూ తాను నాగార్జునసాగర్ డ్యామ్ లాంటి వాడినని డ్యామ్ లోకి నీళ్లు వస్తుంటాయని పోతుంటాయని దర్శకులను నీళ్లతో పోల్చుతూ కామెంట్లు చేశారు. తను సినిమాను నిర్మించిన ఒక సినిమా డైరెక్టర్ గురించి కూడా బండ్ల గణేష్ విమర్శలు చేశారు.
కృతజ్ఞత లేని వ్యక్తులను తాను మనుషులుగా కూడా చూడనని ఆయన చెప్పుకొచ్చారు. అన్నం పెట్టిన నిర్మాతనే అవమానించే విధంగా మాట్లాడితే కన్నతల్లికి ద్రోహం చేసినట్టు అవుతుందని ఆయన పేర్కొన్నారు. బండ్ల గణేష్ ప్రస్తుతం రాజకీయాలకు పూర్తిస్థాయిలో దూరంగా ఉండగా ఆయన నటించిన డేగల బాబ్జీ సినిమా విడుదల కావాల్సి ఉంది. ఈ సినిమా కోసం బండ్ల గణేష్ పాతిక లక్షలు రెమ్యునరేషన్ గా తీసుకున్నారని తెలుస్తోంది.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home