మారుతి సినిమాలో బండ్ల గణేష్!

గతంలో కమెడియన్ గా, క్యారెక్టర్ ఆర్టిస్ట్ గా ఎన్నో సినిమాలు చేసిన బండ్ల గణేష్.. నిర్మాతగా మారిన తరువాత తరువాత యాక్టింగ్ జోలికి వెళ్లలేదు. ప్రొడక్షన్ పనులు, తన వ్యాపారాలతో బిజీ అయిపోయాడు. అయితే అతడిని తీసుకొచ్చి ‘సరిలేరు నీకెవ్వరు’ సినిమాలో కామెడీ చేయించాడు దర్శకుడు అనీల్ రావిపూడి. సూపర్ స్టార్ సినిమా కావడం, అనీల్ రావిపూడి కామెడీ ట్రాక్ పై ఉన్న నమ్మకంతో బండ్ల నటించడానికి ఒప్పుకున్నాడు. కానీ ఆ ట్రాక్ ఆడియన్స్ ని ఆకట్టుకోలేకపోయింది.

నిజానికి అదే సమయంలో బండ్ల గణేష్ కు మారుతి దర్శకత్వంలో ‘ప్రతిరోజూ పండగే’ సినిమాలో నటించే ఛాన్స్ వచ్చింది. కానీ ఆయన అంగీకరించలేదు. ‘సరిలేరు నీకెవ్వరు’ సినిమా తరువాత ఇక సినిమాల్లో నటించకూడదని నిర్ణయించుకున్నాడు బండ్ల గణేష్. కానీ ఇప్పుడు మారుతి దర్శకత్వంలో మిస్ అయిన ఛాన్స్ ను మరోసారి దక్కించుకున్నట్లు తెలుస్తోంది. గోపీచంద్ హీరోగా మారుతి ఓ సినిమాను రూపొందిస్తోన్న సంగతి తెలిసిందే. ఈ సినిమాకి ‘పక్కా కమర్షియల్’ అనే టైటిల్ పెట్టాలనుకుంటున్నారు.

ఇందులో మంచి ఫన్ క్యారెక్టర్ ను బండ్ల గణేష్ తో చేయించబోతున్నట్లు తెలుస్తోంది. కామెడీ పాత్రలను రాయడంతో మారుతి స్పెషాలిటీ వేరు. కాబట్టి బండ్ల కోసం స్పెషల్ కామెడీ రోల్ రాస్తాడేమో చూడాలి. ఈ సినిమాతోనైనా నటుడిగా బండ్ల గణేష్ కెరీర్ ముందుకు వెళ్తుందేమో చూద్దాం!

Most Recommended Video

జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?