నాగార్జున కెరీర్లో బిగ్గెస్ట్ కలెక్షన్స్ ను రాబట్టిన చిత్రంగా నిలిచింది ‘సోగ్గాడే చిన్నినాయిన’. 2016 వ సంవత్సరం సంక్రాంతి కానుకగా విడుదలైన ఈ చిత్రం… పోటీగా నాలుగు సినిమాలు ఉన్నప్పటికీ సంక్రాంతి విన్నర్ గా నిలిచింది. ఇక ఈ చిత్రానికి ప్రీక్వెల్ గా `బంగార్రాజు` అనే మూవీని తెరకెక్కించాలని దర్శకుడు కళ్యాణ్ కృష్ణ చాలా రోజులుగా నాగార్జున వెంట పడుతున్నాడు. కానీ స్క్రిప్ట్ వెంటనే ఫైనల్ కాలేదు. మొత్తానికి ఇన్నేళ్ల తర్వాత నాగార్జున స్క్రిప్ట్ ఓకే చేసాడని తెలుస్తుంది. నాగార్జున‌తో పాటుగా..
నాగ‌చైత‌న్య కూడా ఈ చిత్రంలో నటించే అవకాశాలు ఉన్నట్టు ఎప్పటి నుండో ప్రచారం జరుగుతుంది. చైతూ సరసన హీరోయిన్ గా మొదట కీర్తి సురేష్, రష్మిక పేర్లు వినిపించాయి. కానీ కొద్దిరోజులుగా ‘ఉప్పెన’ బ్యూటీ కృతి శెట్టి ఖ‌రారు అయినట్టు టాక్ నడుస్తుంది. ఈ చిత్రంలో నటించడానికి ఆమె రూ.70 లక్షల వరకు పారితోషికం డిమాండ్ చేసినట్టు కూడా టాక్ నడిచింది. అయితే.. ఈ సినిమాలో ఆమె ఇంకా ఖ‌రారు కాలేదని తాజా సమాచారం. ‘కృతి శెట్టిని ఈ చిత్రం కోసం సంప్రదించిన మాట నిజమే కానీ ఇంకా ఇంకా ఫైనల్ చేయ‌లేదు’ అని చిత్ర‌యూనిట్ సభ్యులు చెప్పుకొచ్చారు.
ఆమె డిమాండ్ చేసిన పారితోషికానికి చిత్ర యూనిట్ సభ్యులు ఓకే చెప్పినా.. కాల్షీట్లు స‌ర్దుబాటు చేయాల్సిన అవసరం ఉందట. ఆమె ఇప్పుడు సుధీర్ బాబు, నాని, రామ్ వంటి హీరోల సినిమాల్లో నటిస్తుంది. బంగార్రాజు షూటింగ్ షెడ్యూల్, నాగ‌చైత‌న్య డేట్లు.. ఎప్పుడు అనే విషయాలు తేలేవరకు కృతి కాల్షీట్ల పై ఓ అవగాహన రాదు. కాబట్టి ఆమెను హోల్డ్ లో పెట్టినట్టే..! ఇక ఈ చిత్రాన్ని నాగార్జున తన సొంత బ్యానర్ అయిన అన్నపూర్ణ స్టూడియోస్ పై నిర్మించనున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home
