బెల్లంకొండ గణేష్ హీరోగా రూపొందిన ‘స్వాతి ముత్యం’ మూవీ రేపు అనగా అక్టోబర్ 5న గ్రాండ్ గా రిలీజ్ కాబోతుంది. లక్ష్మణ్ కె కృష్ణ ఈ చిత్రానికి దర్శకుడు. వర్ష బొల్లమ్మ హీరోయిన్ గా నటిస్తున్న ఈ చిత్రాన్ని ‘సితార ఎంటర్టైన్మెంట్స్’ బ్యానర్ పై సూర్యదేవర నాగ వంశీ ఈ చిత్రాన్ని నిర్మించారు. కచ్చితంగా ఈ సినిమా విజయం సాధిస్తుంది అని చిత్ర బృందం ఆశాభావం వ్యక్తం చేస్తుంది. ఇదిలా ఉండగా… బెల్లంకొండ గణేష్ మొదటి చిత్రంగా ‘స్వాతి ముత్యం’ రిలీజ్ కాబోతుంది.
నిజానికి ఇతని మొదటి చిత్రం ఇది కాదు. అంతకు ముందు ‘ప్రేమ ఇష్క్ కాదల్’ ‘సావిత్రి’ వంటి చిత్రాల్ని తెరకెక్కించిన దర్శకుడు పవన్ సాధినేని ఓ చిత్రాన్ని మొదలుపెట్టాడు గణేష్. రెండు షెడ్యూల్స్ షూటింగ్ కూడా జరిగింది. ‘లక్ష్మి’ ‘లక్ష్యం’ ‘రేసు గుర్రం’ వంటి సూపర్ హిట్ చిత్రాల్ని నిర్మించిన నల్లమలపు శ్రీనివాస్ (బుజ్జి) ఈ చిత్రానికి నిర్మాత. ‘అందాల రాక్షసి’ ‘అర్జున్ రెడ్డి’ ‘హుషారు’ వంటి చిత్రాలకు సంగీతం అందించిన రధన్ సంగీత దర్శకుడిగా ఎంపికయ్యారు.
అయితే ఈ ప్రాజెక్టు కొన్ని కారణాల వల్ల హోల్డ్ లో పడింది. ఈ విషయం పై హీరో గణేష్ మాట్లాడుతూ.. “నా మొదటి చిత్రం పవన్ సాధినేని గారి దర్శకత్వంలో మొదలైంది. ఆ చిత్రం కథ కూడా చాలా బాగుంటుంది. అయితే ఆ మూవీ అమెరికాలో కొన్ని రోజులు చిత్రీకరణ చేయాల్సి ఉంది.
కానీ ఆ టైంలో కరోనా రావడంతో సినిమా హోల్డ్ లో పడింది. ఇప్పటికైనా దర్శక నిర్మాతలు పిలిచి మూవీ షూటింగ్ ను తిరిగి ప్రారంభిస్తాను అంటే నేను రెడీగా ఉన్నాను” అంటూ చెప్పుకొచ్చాడు.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
