ఏదో డైరెక్టర్ల పుణ్యమా అని ‘అల్లుడు శీను’ ‘జయ జానకి నాయక’ వంటి చిత్రాలు కొద్దిగా ఆడినప్పటికీ … ఆ చిత్ర హీరో బెల్లంకొండ సాయి శ్రీనివాస్ కి మాత్రం పెద్దగా కలిసి రాలేదు. గతేడాది ‘సాక్ష్యం’ ‘కవచం’ అనే చిత్రాలతో ప్రేక్షకుల ముందుకు వచ్చినప్పటికీ హిట్ మాత్రం సాధించలేకపోయాడు. దీంతో ఎలాగైనా సరే ఓ హిట్టు సాధించాలని తెగ ట్రై చేస్తున్నాడు. ఇందులో భాగంగా ప్రస్తుతం తేజ డైరెక్షన్లో ‘సీత’ అనే చిత్రంలో హీరోగా నటిస్తున్నాడు.ఈ చిత్రంలో కాజల్ అగర్వాల్ హీరోయిన్ గా నటిస్తుంది. దీనితోపాటూ కోలీవుడ్ మూవీ ‘రాక్షసన్‘ రీమేక్ లో నటించడానికి రెడీ అవుతున్నాడు.
రైడ్ ఫేమ్ రమేష్ వర్మ డైరెక్షన్లో రూపొందుతున్న ఈ చిత్రంలో మొదట రకుల్ ప్రీత్ సింగ్ ను హీరోయిన్ అనుకున్నారు. కానీ ఇప్పుడు ఆ ప్లేస్లోకి రాశి ఖన్నా ను ఎంపిక చేసుకున్నారని తాజా సమాచారం. ‘రాక్షసన్‘ ఒరిజినల్ వెర్షన్ లో అమలా పాల్ పోషించిన పాత్రనే రాశి ఖన్నా చేయబోతుందట. త్వరలోనే ఈ విషయాన్నీ అధికారికంగా ప్రకటించబోతుంది చిత్ర యూనిట్. యువ హీరో హవీష్ లక్ష్మణ్ కోనేరు, అభిషేక్ అగర్వాల్ కలిసి ఈ చిత్రాన్ని నిర్మిస్తున్నారు. ఇక ఈ చిత్రం తెలుగులో ఎలాంటి విజయాన్ని నమోదుచేస్తుందో చూడాలి.
Home